3 Juan 1:8 - Emberá Chamí

⁸ Maud̶eeba dachiba mau ãbarã biꞌia aid̶ad̶ai panuu. Maka ãchi ome ãbua traja panuu chi biawãra bed̶ea kuitaabiad̶ai baita.

3 Juan 1:8 Iomraidhean Croise

Mateo 10:14

Ab̶au bid̶a machi biꞌia irsibiwẽebʉrã, maebʉrã machi berrea ũri kʉ̃riawẽebʉrã, mau ded̶ebena wã́sturu. Maebʉrã mau puurud̶ebena wãaduud̶e ioro jora machi jʉ̃rʉd̶e b̶uu neapésturu.

Mateo 10:40

»Chi machi biꞌia irsibiiduurã, mʉ irsibibadau. Maud̶e mʉ irsibiiduu chi mʉ bʉid̶a irsibibadau.

Lucas 11:7

Maud̶e chi ed̶a b̶uuba naka panaui: “Kõpaero, mʉ apii b̶use. Mʉ de poraa jʉ̃a nub̶uu. Mʉ warrarã mʉ baara kãi duanuu. Maud̶eeba mʉ jiradui poyaabai b̶uu bichi ne deai baita”.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

2 Corintios 8:23

Barikiuba Tito ʉ̃rʉbena id̶iiruubʉrã jarásturu ichi mʉ baara nibabarii maud̶e mʉ ome machi tãed̶e Dachi Akõre traju wau b̶uu. Barikiuba chi maarã ome ʉ̃rʉbena id̶iiruubʉrã jarásturu chi ãbarãba maarã bʉiped̶aad̶arã maud̶e ãchi kakua Cristo ʉ̃rʉbena biꞌia berrea panuu.

Filipenses 4:3

Maud̶e bichi, chi mʉ ome Dachi Akõre traju waubarii, mʉʉba bichimaa id̶iiruu mau neekaurã aid̶amera. Ãchi Clemente baara maud̶e waabenarã sid̶a mʉ ome ãrea trajasid̶au chi bed̶ea bia Cristo ʉ̃rʉbena kuitaabiad̶ai baita. Joma ãchi trʉ̃ Dachi Akõreba chi ewaricha chokae duanabarii kartad̶e b̶ʉ uru b̶uu.

Colosenses 4:11

Maud̶e ãba Jesús, Justo abadauba jarabʉi b̶uu machi biꞌia panad̶ai. Ãbarã judiorãd̶ebena mau õbea panuuba nama mʉ aid̶a jaradea panuu Dachi Akõreba ichid̶irã ichi juad̶e ua b̶uu ʉ̃rʉbena. Mau ãbarã kakua mʉ kĩrajʉʉ b̶uabarii.

Filemón 1:2

Maud̶e b̶ʉʉruu joma ãbarã bichi ded̶e araa ãbua imibadaurã baita, dachi neekau Apia baita maud̶e dachi ãba Arquipo baita. Arquipo dai ome arab̶aud̶e Dachi Akõre traju wau b̶uabarii kokoroa kĩra.

Filemón 1:24

Marcosba, Aristarcoba, Demasba maud̶e Lucasba jarabʉi panuu bichi biꞌia b̶uai. Maarãba mʉ ome Dachi Akõre traju wau panuu.

3 Juan 1:10

Maud̶eeba mamaa wãaruud̶e mʉʉba jomaurãmaa kuitaabiai ichiba kachirua wau b̶uu. Ichiba dai ʉ̃rʉbena setaa kachirua jarabarii. Mau awara chi ãbarã mamaa wãaduu ichiba biꞌia irsibiabikau maud̶e chi ãbarãba ãchi ded̶e biꞌia irsibi kʉ̃ria panuud̶e ida b̶ukau. Maarã biꞌia irsibiiduubʉrã mau ãbarã duabʉikabarii.

3 Juan 1:7

Ãchiba Jesucristo ʉ̃rʉbena jaradead̶e wãsid̶aud̶e, chi Dachi Akõred̶e ijãad̶akaurãd̶ebena ne adaud̶aabasii.

3 Juan 1:9

Mʉʉba naed̶e karta b̶ʉsii joma ãbarã mamabena baita. Maamina Diotrefesba dai bed̶ea ijãawẽa nii. Ichi ãbarã tãed̶e chi mechiu nibai kʉ̃ria b̶uu.