2 Pedro 1:3 - Emberá Chamí

^3-4 Dachi Akõre kuitaa panuud̶eeba, ichi poyaabariid̶eeba dachimaa ne joma deasii ichiba kʉ̃ria b̶uu kĩra nibad̶amera maud̶e ewaricha ichi ome chokae nuread̶amera. Ichi chi mechiud̶eeba maud̶e jipa niid̶eeba dachi iuped̶a ne mechiu maud̶e ne bia dachi baita waui asii. Maka wau b̶uud̶eeba nau iujãad̶ebenarãba kachirua wau kʉ̃ria panuu machiba ida b̶ud̶aped̶a poyaa ichi kĩra jipa nuread̶ai.

2 Pedro 1:3 Iomraidhean Croise

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

Romanos 9:24

Dachi mau ẽbẽrarãd̶ebenabʉ. Dachi Akõreba dachi joma iusii. Chi nuree judiorãbʉ maamina chi nuree judiowãerãbʉ,

1 Corintios 1:9

Dachi Akõreba ara ichiba jara b̶uu kĩra waubarii. Ichiba machi iusii ichi Warr Dachi Mechiu Jesucristo ome ãbua nuread̶amera.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Efesios 4:4

Dachi kakua ara ab̶aburu b̶uu. Dachi Akõre Jauri ara ab̶aburu inid̶au. Dachi Akõreba machi iusii ara mau esed̶au panad̶amera.

Filipenses 3:8

Biawãra mʉ Mechiu Jesucristo kuitaai ne joma audeara bibuara b̶uu. Mʉʉba kʉ̃risia b̶uad̶a ichi kakua joma ida b̶usii. Joma mau nejarr kĩra unusii Cristo kuitaai baita

Filipenses 4:8

Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

Colosenses 1:16

Ichid̶eeba Dachi Akõreba ne joma wausii. Bajãad̶e nuree, nau druad̶e nuree, dachiba unubadau maud̶e dachiba unud̶akau joma wausii. Joma chi dachiba unud̶akau jaradea ua b̶uabadaurã, chi mechiurã maud̶e chi meserãa nuree wausii. Dachi Akõreba Cristod̶eeba joma wausii maud̶e Cristo baita wausii.

1 Tesalonicenses 2:12

Daiba biꞌia jarasid̶au machi Dachi Akõreba kʉ̃ria b̶uu kĩra nibad̶amera. Ichiba machi iusii, ichi juad̶e ua b̶uai baita maud̶e ichi biad̶ebena uru panad̶amera.

1 Tesalonicenses 4:7

Dachi Akõreba dachi jʉrʉ adaubasii kachiruad̶e panad̶amera, maumaarã jʉrʉ adausii ichi baita jipa panad̶amera.

2 Tesalonicenses 2:14

Daiba bed̶ea bia Cristo ʉ̃rʉbena jaradea panuud̶eeba Dachi Akõreba machi iusii Dachi Mechiu Jesucristo bia niid̶ebena adaud̶amera.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.

2 Timoteo 1:9

Dachi Akõreba dachi karibasii maud̶e iusii ichi baita biꞌia nuread̶amera. Dachiba biꞌia wau panuud̶eeba makaabasii, maumaarã ichi sõbiad̶eeba waui kʉ̃risia b̶uasiid̶eeba maka wausii. Biawãra nau iujãa b̶uai naed̶e Dachi Akõreba ichi sõbiad̶eeba kʉ̃risiasii Jesucristod̶eeba dachi karibai.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

1 Pedro 1:15

Dachi Akõreba machi iusii. Ichi ne jomad̶e jipa nii. Maud̶eeba machiba wauduucha jipa panásturu.

1 Pedro 1:5

Jesucristod̶e ijãa panuud̶eeba Dachi Akõreba ichi poyaabariid̶eeba machi nu uru b̶uai, ab̶a chi kaad̶ebena ewarid̶e karibaaruud̶aa.

1 Pedro 2:21

Cristo machi kakua ãrea biꞌiwãe b̶uasiid̶eeba Dachi Akõreba machi iusii ãrea biꞌiwãe panad̶amera. Cristo ãrea biꞌiwãe b̶uasiid̶e unubiasii machi nebʉrad̶e panuud̶e saka nibad̶ai panuu.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

1 Pedro 3:9

Ab̶auba machi kachirua wauruubʉrã ara mau kĩra waurã́sturu. Kachirua jaraaruubʉrã ara mau kĩra kachirua jararã́sturu. Maumaarã ʉtaa id̶ísturu Dachi Akõreba mau aid̶amera. Kuitaa panuu Dachi Akõreba machi adausii maka nuread̶amera. Maka nureebʉrã, Dachi Akõreba machi sid̶a aid̶ai.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

2 Pedro 1:10

Ãbarã, Dachi Akõreba machi iuped̶a jʉrʉ adausii. Biawãra maka nuree unubid̶ai baita chokekea panásturu. Maka wauduubʉrã b̶aed̶aabai.

2 Pedro 1:2

Machiba Dachi Akõre maud̶e Dachi Mechiu Jesús kuitaa panuud̶eeba, mʉʉba kʉ̃ria b̶uu ãchi sõbiad̶eeba machi ãrea aid̶a panad̶amera maud̶e ãrea jirukaraayuwãe panabiad̶amera.

2 Pedro 1:5

Maud̶eeba Cristod̶e ijãa panuud̶eeba ãrea jʉrʉ́sturu jipa nibad̶ai baita; jipa nid̶aud̶e jʉrʉ́sturu kʉ̃risia kuitaa nuread̶ai baita;

2 Pedro 1:6

kʉ̃risia kuitaa panuud̶e jʉrʉ́sturu machi kakua kĩra jipa nuread̶ai baita; machi kakua kĩra jipa panuud̶e jʉrʉ́sturu joma jãaduad̶ai baita; joma jãadua panuud̶e jʉrʉ́sturu Dachi Akõreba kʉ̃ria b̶uu kĩra nuread̶ai baita;

2 Pedro 1:8

Machiba mau joma biꞌia wauduubʉrã, Dachi Mechiu Jesucristo aude kuitaabiad̶ai maud̶e ne biꞌia waud̶ai baita chokekea nureabiad̶ai.

2 Pedro 2:20

Jesucristo Dachi Mechiu maud̶e Dachi Karibabarii kuitaa panuud̶eeba nau iujãad̶e b̶uu kachiruad̶ebena karibasid̶au. Maamina jʉ̃karad̶e bʉra paneeduu kĩra waya kachirua wauduubʉrã, naa panad̶a audeara kachirua paneed̶ai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.