2 Juan 1:8 - Emberá Chamí

⁸ Kauwa panásturu machi setaa kũruabiarãad̶amera. Maka machiba chi Dachi Akõre baita wau panuu ichiba deai bad̶a wãꞌãe bai, maumaarã joma adaud̶ai.

2 Juan 1:8 Iomraidhean Croise

Mateo 24:4

Jesusba panausii: —Kauwa nureásturu ab̶au bid̶a setaa kũruarãad̶amera.

Marcos 13:23

Kauwa nureásturu. Joma mʉʉba machimaa jarasii makai naed̶e.

Marcos 13:9

»Kauwa nureásturu. Machi chi jaradea ua b̶uabadaurãmaa jidau eneed̶aped̶a judiorã araa ãbua imibadau ded̶e soaba ped̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai. Maud̶e machiba mʉ ʉ̃rʉbena ãchi daad̶e berread̶ai.

Lucas 19:19

Maud̶eeba chi jaradea ua b̶uabariiba jarasii: “Mʉʉba puuru jua ab̶a bichi juad̶e b̶ui”.

Lucas 21:8

Jesusba panausii: —Kauwa nureásturu ab̶au bid̶a setaa kũruarãad̶amera. Ãreaba jarad̶ai: “Mʉ Dachi Akõreba Dachi Karibabarii deai jarad̶a”. Mau awara chi ewari araa bamaa b̶uu ad̶ai. Maamina maarã baara wãrã́sturu.

Juan 4:36

Chi uu nub̶uu junad̶ai ewari neesii. Uu nub̶uu junaaduu kĩra machi trajad̶ai ẽbẽrarãba mʉʉd̶e ijãad̶amera. Maka ãchi Dachi Akõre baara ewaricha chokae duanad̶ai. Chi uu nub̶uu junabarii kĩrajʉʉbarii chi ichimaa paaduu adaui baita. Ara mau kĩra machi kĩrajʉʉd̶ai ẽbẽrarãba mʉʉd̶e ijãaduu kakua. Chi uu nub̶uu junabarii chi uubarii ome kĩrajʉʉ panad̶ai.

1 Corintios 15:8

Kaad̶eare mʉʉmaa unubisii. Mʉ chi warr bai naed̶e adaud̶a kĩra maka unubisii.

1 Corintios 3:14

Dachiba waud̶aba mau tʉbʉchiad̶e dauchia jãadua b̶uubʉrã Cristoba chi wau b̶uad̶amaa ne biꞌia deai.

1 Corintios 3:8

Chi ne uubarii maud̶e chi bania eabarii sid̶a Dachi Akõre daad̶e arab̶aud̶e nuree. Ichiba dachicha ne biꞌia deai, dachiba wau panad̶a kĩra.

Gálatas 3:4

Machi biꞌiwãe panad̶a Cristo kakua ¿bari makaska? ¡Mʉʉmaarã, machi bari ãrea biꞌiwãe panad̶aabasii!

Gálatas 4:11

Maud̶eeba mʉʉba kʉ̃risia b̶uu mʉ bari machimaa jaradeasii.

Filipenses 3:16

Maamina dachiba kuitaaped̶aad̶a joma waud̶ai panuu.

Hebreos 10:32

Kĩrabásturu machiba naed̶e chi biawãra bed̶ea kuitaasid̶aud̶e saka panasii. Mau ewarid̶e machi ãrea biꞌiwãe panad̶a dauchia jãadua panasid̶au.

Hebreos 10:35

Maud̶eeba machiba Dachi Akõred̶e ijãa panuu ida b̶urã́sturu. Ijãa panuubʉrã, Dachi Akõreba bajãad̶e ne bia mechiu deai.

Hebreos 12:15

Kauwa panásturu Dachi Akõreba ichi sõbiad̶eeba kariba b̶uu ab̶au bid̶a ida b̶urãad̶amera. Maud̶e kauwa panásturu machi tãed̶e ab̶a bid̶a ne karr kachirua kĩra panarãad̶amera. Mauba ãbarãmaa kachirua kʉ̃risiabiaped̶a ara mau kĩra panabiabarii.

Apocalipsis 3:11

Mʉ kãꞌãabariwãed̶e neei. Maud̶eeba machiba id̶ibae ijãabadau kĩra dauchia jãadua panásturu. Maka ab̶au bid̶a machi boro jũra jʉ̃barii ẽe adaud̶aabai.