2 Juan 1:5 - Emberá Chamí

⁵ Neekau, mʉʉba chi chuburia id̶imaa b̶uu dachi chiya kʉ̃riad̶amera. Dachi Akõreba waubi b̶uu bed̶ea wid̶iwãebʉ, maumaarã mau dachiba arab̶aed̶eed̶e ũri panasid̶au.

2 Juan 1:5 Iomraidhean Croise

Juan 15:12

Mʉʉba waubi b̶uu bed̶ea naubʉ: machi chiya ãrea kʉ̃riásturu mʉʉba machi ãrea kʉ̃ria b̶uu kĩra.

Juan 15:17

Waya mʉʉba machimaa jaraaruu: Chiya kʉ̃riásturu.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

1 Tesalonicenses 4:9

Mau awara machi saka ãbarã ome chiya kʉ̃riad̶ai panuu ʉ̃rʉbena, mʉʉba nau kartad̶e ¿kãare b̶ʉima? Ara Dachi Akõréburu machimaa mau jaradeasii.

Hebreos 13:1

Machi ãbarã baerã chiya kʉ̃ria panásturu.

1 Pedro 4:8

Ãrea chiya kʉ̃ria panásturu. Mau jomad̶ebena audeara bibuara b̶uu. Chi waabenarã kʉ̃ria uru b̶uuba ãchi kachirua ãrea kʉde uru b̶uad̶a ida b̶ubarii.

2 Pedro 1:7

Dachi Akõreba kʉ̃ria b̶uu kĩra panuud̶e jʉrʉ́sturu ãbarã kʉ̃riad̶ai baita; ãbarã kʉ̃ria panuud̶e jʉrʉ́sturu jomaurã kʉ̃riad̶ai baita.

1 Juan 3:11

Chi machiba ijãasid̶aud̶eed̶ebena ũri panuu bed̶ea naubʉ: dachi chiya kʉ̃ria nuread̶ai panuu.

1 Juan 3:23

Mau waubi b̶uu bed̶ea naubʉ: ichi Warr Jesucristod̶e ijãad̶ai maud̶e chiya kʉ̃ria nuread̶ai ichiba dachimaa jarad̶a kĩra.

1 Juan 4:20

Ab̶auba Dachi Akõre kʉ̃ria b̶uu aaruubʉrã, maud̶e ichi ãba kĩramaa b̶uaruubʉrã, setaa jara b̶uu. Chi ãba unu b̶uu kʉ̃riawẽa b̶uubʉrã, ¿saka Dachi Akõre unuwẽa nii kʉ̃ria b̶uaima?

2 Juan 1:1

Mʉ Chõrabʉ. Mʉʉba nau karta b̶ʉʉruu wẽra Dachi Akõreba jʉrʉ adaud̶a baita maud̶e ichi warrarã baita bid̶a. Mʉʉba machi biawãra kʉ̃ria ua b̶uu. Mʉaburu machi kʉ̃ria b̶uwãema, maumaarã joma chi biawãra bed̶ea kuitaa nureerãba machi kʉ̃ria panuu.