2 Juan 1:4 - Emberá Chamí

⁴ Mʉʉba bichi warrarãd̶ebena chi nuree unusii. Mʉ kĩrajʉʉsii ãchi chi biawãrad̶e nibasid̶aud̶eeba, Dachi Bajãad̶ebena Akõreba jara b̶uu kĩra.

2 Juan 1:4 Iomraidhean Croise

1 Corintios 13:6

Kachirua kakua kĩrajʉʉkau, maumaarã biawãra kakua kĩrajʉʉbarii.

Gálatas 2:14

Maamina mʉʉba unusii ãchi biawãra chi bed̶ea bia Cristo ʉ̃rʉbena jara b̶uu kĩra nibad̶aabasii. Maud̶eeba mʉʉba Pedro jomaurã ãbarã daad̶e naka iadaasii: «Bichi judiomina judio kĩra nibakau. Maumaarã judiowãe kĩra nibabarii. Mau ¿sakãe bichiba ãbarã judiowãerãmaa judiorãba waubadau waubia b̶uma?»

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Efesios 5:8

Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu.

Filipenses 4:10

Dachi Mechiud̶eeba mʉ ãrea kĩrajʉʉ b̶uu, machiba mʉ ʉ̃rʉbena kʉ̃risiasid̶aud̶e waya ne urubʉisid̶aud̶eeba. Mau machiba naed̶e wau kʉ̃ria panasmina poyaa waud̶aabasii.