2 Corintios 8:5 - Emberá Chamí

⁵ Maud̶e ãchiba waud̶aabasii ab̶aburu daiba kʉ̃risia panad̶a kĩra. Maumaarã naa ara ãstu deasid̶au Dachi Mechiuba kʉ̃ria b̶uu kĩra waud̶ai baita. Mawãare daiba jaraped̶aad̶a wausid̶au. Maka Dachi Akõreba kʉ̃ria b̶uu kĩra arakʉd̶e wausid̶au.

2 Corintios 8:5 Iomraidhean Croise

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

1 Corintios 1:1

Mʉ Pablobʉ. Dachi Akõreba ichi kʉ̃riad̶eeba mʉ iusii Jesucristoba bʉid̶a b̶uamera. Dachi ãba Sóstenes mʉ ome b̶uu.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

2 Corintios 8:1

Mau awara ãbarã, daiba kuitaabiai kʉ̃ria panuu Dachi Akõreba ichi sõbiad̶eeba ãbarã Macedonia druad̶ebenarã aid̶a b̶uu.