2 Corintios 8:3 - Emberá Chamí

³ Mʉʉba jaraaruu: ãchiba sõbiad̶eeba chi nejarra ãchi poyaara deasid̶au. Maud̶e ãchiba poyaa dead̶ai panad̶a aude deasid̶au.

2 Corintios 8:3 Iomraidhean Croise

Marcos 14:8

Nau wẽraba arakʉd̶e wausii. Kãꞌãabariwãed̶e mʉ biud̶akare jau b̶ud̶ai. Maud̶eeba nau wẽraba mʉ ʉ̃rʉ keraba easii.

Hechos 11:29

Maud̶eeba Jesusd̶e ijãabadaurã Antioquiad̶e panuu bed̶ea deasid̶au chi nejarra ãbarã Judea druad̶e nuree baita urubʉid̶ai baita. Ãchicha poyaa deaduu kĩra dead̶ai asid̶au.

Romanos 10:2

Mʉʉba jaraaruu ãchiba Dachi Akõre biawãra kuitaa kʉ̃ria panuu. Maamina Dachi Akõreba kʉ̃ria b̶uu ʉ̃rʉbena biꞌiwãe kʉ̃risia panuu.

1 Corintios 16:2

Misacha machicha chi nejarra kanabadaud̶ebena awara b̶uped̶aad̶a merásturu. Makarã mʉ neeruud̶e machiba ped̶aabai.

1 Corintios 9:17

Ara michi kʉ̃ria jaradea b̶uubʉrã, chi nejarra adaui b̶uu. Maamina ara michi kʉ̃ria jaradeawẽa b̶uu. Dachi Akõréburu mʉʉmaa jaradeabisiid̶eeba, mʉʉba makai b̶uu.

Gálatas 4:15

¿Sakasma chi machi kĩrajʉʉ naed̶e uru panad̶a? Mʉʉba biawãra jaraaruu machiba poyaa wauped̶aad̶a basirã ara machi dau noetad̶ai basii mʉʉmaa dead̶ai baita.

Filipenses 2:13

Ichiba machi aid̶a b̶uu ichiba kʉ̃ria b̶uu wau panad̶amera maud̶e maka wau kʉ̃ria panad̶amera.

Colosenses 4:13

Mʉʉba jaraaruu: ãba Epafras biawãra traja b̶uu machi aid̶ai baita maud̶e joma ãbarã Laodicea puurud̶ebenarã maud̶e Hierápolis puurud̶ebenarã aid̶ai baita.

1 Tesalonicenses 2:8

Daiba machi ãrea kʉ̃ria panuud̶eeba bari chi Dachi Akõre ʉ̃rʉbena bed̶ea bia machimaa jaradead̶akau, maud̶e machi ne jomad̶e aid̶ad̶ai baita panasid̶au.

Filemón 1:14

Maamina bichiba wáubad̶e awẽed̶e maka waui kʉ̃riabasii. Mʉʉba chi chuburia id̶i b̶uu bichimaa makai kʉ̃riawẽed̶e waubiibai, maumaarã kʉ̃ria b̶uu bichiaburu maka wau kʉ̃ria b̶uai.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.

1 Pedro 5:2

Dachi Akõreba ãbarã machi juad̶e b̶ud̶a ãrea nústuru. Maka waurã́sturu waabenarãba maka waubi panuud̶eeba. Maumaarã nu kʉ̃ria panuud̶eeba maka wáusturu. Chi nejarra kʉ̃ria panuud̶eeba nurã́sturu, maumaarã sõd̶eeba nu kʉ̃ria panuud̶eeba maka wáusturu.