2 Corintios 7:2 - Emberá Chamí

² Sõd̶eeba dai kʉ̃riásturu. Daiba ab̶aumaa bid̶a kachirua waud̶awẽa panuu, kachirua kʉ̃risiabiad̶awẽa panuu maud̶e setaa kũruad̶awẽa panuu.

2 Corintios 7:2 Iomraidhean Croise

Mateo 10:14

Ab̶au bid̶a machi biꞌia irsibiwẽebʉrã, maebʉrã machi berrea ũri kʉ̃riawẽebʉrã, mau ded̶ebena wã́sturu. Maebʉrã mau puurud̶ebena wãaduud̶e ioro jora machi jʉ̃rʉd̶e b̶uu neapésturu.

Mateo 10:40

»Chi machi biꞌia irsibiiduurã, mʉ irsibibadau. Maud̶e mʉ irsibiiduu chi mʉ bʉid̶a irsibibadau.

Lucas 10:8

»Puurud̶e needuud̶e ẽbẽrarãba machi biꞌia irsibiiduubʉrã, maarãba machimaa deaduu kósturu.

Hechos 20:33

»Mʉʉba waabena chi nejarra, nee, maebʉrã paru ara mʉ baita kʉ̃riabasii.

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 11:16

Mʉʉba waya jaraaruu: ab̶au bid̶a kʉ̃risiabai b̶uu mʉ kʉ̃risiaswãe nii. Maamina maka kʉ̃risiaduubʉrã, mʉ kʉ̃risiaswãe nii kĩra ida berreabísturu mʉa bid̶a ara mʉ ʉ̃rʉbena b̶istĩika biꞌia berreai baita.

2 Corintios 11:9

Mʉ machimare b̶uasiid̶e ne joma uru b̶uabasmina machimaa ne id̶iibasii. Maumaarã mʉʉba wãꞌãe b̶uad̶a ãbarã Macedoniad̶ebena neeped̶aad̶aba joma mʉʉmaa deasid̶au. Mʉʉba ne ab̶a bid̶a machimaa id̶iibasii maud̶e id̶iwẽa b̶uai.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

Filipenses 2:29

Kĩrajʉʉ panuud̶eeba ichi biꞌia irsibísturu Dachi Mechiud̶ed̶eeba. Chi ichi kĩra nuree ʉ̃rʉbena biꞌia kʉ̃risiásturu.

Colosenses 4:10

Ãba Aristarco mʉ baara jʉ̃a uru panuu. Mauba jarabʉi b̶uu machi biꞌia panad̶ai. Bernabé niu Marcosba jarabʉi b̶uu machi biꞌia panad̶ai. Ichi ʉ̃rʉbena mʉʉba naed̶e kartad̶e b̶ʉsii. Mau machimaa wãaruubʉrã, deed̶aa iu biꞌia iústuru.

1 Tesalonicenses 2:10

Machiba kuitaa panuu maud̶e Dachi Akõreba kuitaa b̶uu dai machi chi Cristod̶e ijãabadaurã tãed̶e biꞌia, jipa maud̶e kachirua jarad̶ayuswãe nibasid̶au.

Filemón 1:12

Mau bichimaa waya bʉiruu. Mʉʉba mau ãrea kʉ̃ria b̶uu. Michuburia mau biꞌia irsibise mʉ irsibiiruu kĩra.

Filemón 1:17

Bichimaarã, Dachi Akõre baita dachiba arab̶aud̶e wau panuubʉrã, Onésimo biꞌia irsibise mʉ bichi deed̶aa urúbad̶e aaruu kĩra.

2 Juan 1:10

Ẽbẽra machimaa wãaruud̶e Cristoba jaradead̶a kĩra jaradeawẽebʉrã, mau machi ded̶e biꞌia irsibirã́sturu maud̶e «biꞌia b̶uu bichi neesii» arã́sturu.