2 Corintios 4:6 - Emberá Chamí

⁶ Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

2 Corintios 4:6 Iomraidhean Croise

Lucas 10:22

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai».

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 11:40

Maamina Jesusba jarasii: —¿Mʉʉba jaraabaska bichiba biawãra ijãaruubʉrã, Dachi Akõre chi mechiu nii unui?

Juan 12:41

Isaiasba ichi kartad̶e maka b̶ʉsii Jesús chi Mechiu nii unusiid̶eeba. Maud̶e mau ʉ̃rʉbena berreasii.

1 Corintios 12:8

Dachi Akõre Jauriba waabenarã chi nureerãmaa dea b̶uu ichi kʉ̃risia kuitaad̶eeba poyaa berread̶amera. Dachi Akõre Jauri ara ab̶a niiba chi nureemaa dea b̶uu ichid̶eeba kuitaaped̶aad̶a poyaa jaradead̶amera.

2 Corintios 2:10

Ab̶auba kachirua waud̶a machiba kʉde uru b̶ee ida b̶uuduubʉrã mʉa bid̶a kʉde uru b̶uu ida b̶ui. Kachirua mʉʉba kʉde uru b̶uu ida b̶ui biawãra b̶uasiibʉrã, mau kachirua Cristo daad̶e joma perdonasii machi biꞌia duanad̶amera.

2 Corintios 3:18

Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

Efesios 1:17

Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Efesios 5:8

Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu.

Filipenses 2:6

Ichi Dachi Akõremina, ara Dachi Akõre kĩra arab̶aud̶e b̶uai kʉ̃risiabasii.

Colosenses 1:15

Chi Dachi Akõre dachiba unud̶akau, mau Jesucristod̶eeba unubadau. Ichi Dachi Akõre Nabena Warrd̶eeba joma Dachi Akõreba waud̶a chi Mechiu.

1 Tesalonicenses 2:12

Daiba biꞌia jarasid̶au machi Dachi Akõreba kʉ̃ria b̶uu kĩra nibad̶amera. Ichiba machi iusii, ichi juad̶e ua b̶uai baita maud̶e ichi biad̶ebena uru panad̶amera.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

Hebreos 6:4

Waabenarã chi nureeba chi bed̶ea biawãra kuitaaped̶aad̶akaud̶e, Dachi Akõreba dea b̶uu kuitaaped̶aad̶akaud̶e, ichi Jaurid̶eeba ne adauped̶aad̶akaud̶e,

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

2 Pedro 1:19

Mau awara kuitaa panuu Dachi Akõre baita berreabadaurãba jaraped̶aad̶a biawãrabʉ. Mau bed̶ea ʉ̃d̶aa koabarii pãriud̶e urua b̶uu kĩra b̶uud̶eeba machiba ãrea kauwa ũrid̶ai panuu. Ʉ̃d̶aa koabarii urua b̶uabarii ab̶a ewariiruud̶aa, ab̶a chi daped̶eed̶ebena pusterrea neeruud̶aa. Ara mau kĩra dachi nau iujãa kachiruad̶e panuud̶e mau bed̶eaba dachi sõd̶e kuitaabia b̶uu saka nibad̶ai panuu ab̶a Cristo neeruud̶aa.