2 Corintios 4:2 - Emberá Chamí

² Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

2 Corintios 4:2 Iomraidhean Croise

Romanos 1:16

Mʉ kĩra nejasiakau chi bed̶ea bia Jesús ʉ̃rʉbena jaradeai baita, chi mau bed̶ea ijãaduu Dachi Akõreba ichi poyaad̶eeba joma karibabariid̶eeba; naa judiorã karibai maud̶e judiowãerã sid̶a.

Romanos 6:21

Maamina kachirua wau panuud̶eeba ¿kãare biꞌia adausid̶ama? ¿Maka wau panad̶a kakua, kĩra nejasia panuuwãeka? Kachirua wau panuu kakua ẽbẽrarã biud̶ai.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 11:3

Maamina mʉʉba wapea b̶uu waabenarãba machi setaa kũruad̶ai damaba kʉ̃risia kuitaad̶eeba Eva setaa kũruad̶a kĩra. Makarã machiba Cristod̶e biawãra sõd̶eeba ijãa panuu ida b̶ud̶ai.

2 Corintios 11:6

Mʉ biꞌia berreakamina, biawãra bed̶ea ãrea kuitaa nii. Mau biawãra bed̶ea daiba nejomad̶eeba machimaa arakʉd̶e kuitaabiasid̶au.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

2 Corintios 5:11

Dachi Mechiu wapea panuud̶eeba daiba ẽbẽrarãmaa jara panuu ichid̶e ijãad̶amera. Dachi Akõreba kuitaa b̶uu daiba kʉ̃risia biad̶eeba jaradea nibaped̶aad̶a. Mʉʉba kʉ̃risia b̶uu machia bid̶a mau kuitaa panuu.

2 Corintios 6:8

B̶esed̶e waabenarãba dai ʉ̃rʉbena biꞌia jarabadau. B̶esed̶e kachirua jarabadau. B̶esed̶e dai ʉ̃rʉbena kachirua trʉ̃ poabadau. B̶esed̶e biꞌia trʉ̃ poabadau. Daiba chi biawãra bed̶ea jara panumina waabenarãba jara panuu dai setaa jarabadau abadau.

2 Corintios 7:14

Tito machimaa wãi naed̶e mʉʉba machi ʉ̃rʉbena ichimaa biꞌia jarasii. Mʉʉba jarad̶a kĩra Titoba unud̶e wãsiid̶eeba mʉ machi kakua kĩra nejasiawẽa b̶uu. Joma daiba machimaa jaradeaped̶aad̶a biawãra basii. Ara mau kĩra joma daiba Titomaa machi ʉ̃rʉbena biꞌia jaraped̶aad̶a biawãra basii.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

Efesios 5:12

Biawãra dachi kĩra nejasiad̶ai panuu ãchiba kachirua miru waubadau ʉ̃rʉbena berread̶ai baita.