2 Corintios 2:3 - Emberá Chamí

³ Maud̶eeba machi ichiad̶e wãi bad̶amaarã karta urubʉisii. Maka mʉ wãaruud̶e machiba mʉ kĩra nomaabid̶aabai. Machiba mʉ kĩrajʉʉbid̶ai panuu. Mʉʉba kuitaa b̶uu machiba maka waud̶aid̶eeba mʉ ome ãbua kĩrajʉʉ panad̶ai.

2 Corintios 2:3 Iomraidhean Croise

1 Corintios 4:21

Mau ¿machiba saka kʉ̃ria panuma? ¿Kʉ̃ria panuka mʉʉba iadaad̶e wãi maebʉrã kʉ̃riad̶eeba, biꞌia berread̶eeba wãi?

2 Corintios 1:15

Machi biawãra kĩrajʉʉd̶ai mʉ kakua mʉʉba kʉ̃risia b̶uud̶eeba, naa mʉʉba kʉ̃risia b̶uasii b̶es ome machi ichiad̶e wãi ãrea aid̶ai baita.

2 Corintios 1:23

Mʉʉba Dachi Akõre daad̶e jaraaruu: Corintod̶aa wabid̶a wãwãe b̶uu machi kĩra nomaabiamaaba chi mʉʉba machi ãrea kastikakuai b̶uud̶eeba.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 12:21

Mʉʉba wapea b̶uu machimaa waya neeruud̶e Dachi Akõreba mʉ kaebeu kĩra b̶ui, machi kakua. Maud̶e ãrea machiba naed̶e kachirua wau panad̶a wabid̶a wau panuud̶eeba mʉ jẽai. Machiba chi Dachi Akõremaarã biꞌiwãe waubadau, dachi kakuaba barikia kachirua waubadau maud̶e waabenarã daad̶e kĩra nejasia waubadau wabid̶a mau ida b̶ud̶awẽa panuud̶eeba jẽai.

2 Corintios 13:10

Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Corintios 2:9

Mʉʉba naed̶e mau ʉ̃rʉbena b̶ʉsii machiba biawãra joma mʉʉba jarad̶a ijãad̶ai kuitaai baita.

2 Corintios 7:12

Mʉʉba mau karta chi kachirua waud̶a ẽbẽra kastikai báitaburu b̶ʉʉbasii. Maud̶e chi kachirua b̶eed̶a ẽbẽra aid̶ai baita b̶ʉʉbasii. Maumaarã b̶ʉsii machiba ijãa panuud̶eeba Dachi Akõre daad̶e kuitaad̶amera biawãra dai ome panuu.

2 Corintios 7:16

Jãabae mʉ sid̶a kĩrajʉʉ b̶uu. Mʉʉba kuitaa b̶uu machiba biawãra jipa wau panad̶ai.

2 Corintios 7:6

Maamina Tito neesiid̶e dai kĩrajʉʉbiasii Dachi Akõreba chi kĩra nomaa nuree kĩrajʉʉbiabariid̶eeba.

2 Corintios 7:8

Mʉʉba karta naa b̶ʉd̶aba machi kĩra nomaabia b̶uasmina mʉ kĩra nomaawẽa b̶uu. Biawãra naed̶e kĩra nomaa b̶uasii. Kuitaasii machi awawarrea kĩra nomaa panasmina mau kartad̶eeba machi kĩra nomaabiasii.

2 Corintios 8:22

Mau ãbarã baara machimaa bʉiduud̶e, ãba june bʉid̶ai. Mau ãbaba b̶es ãrea daimaa unubiasii ãbarã ãrea aid̶a kʉ̃ria b̶uu. Id̶ibae machi ãrea aid̶a kʉ̃ria b̶uu machiba jipa waud̶ai kuitaa b̶uud̶eeba.

Gálatas 5:10

Maamina Dachi Mechiu Jesucristod̶eeba mʉʉba kuitaa b̶uu machiba mʉʉba jara b̶uu awara kʉ̃risiad̶aabai. Barikiuba machi maka waa joe b̶eeruubʉrã Dachi Akõreba kastikai.

2 Tesalonicenses 3:4

Dachi Mechiud̶eeba kuitaa panuu daiba jaradeaped̶aad̶a machiba biawãra wau panuu maud̶e waa wau paneed̶ai.

Filemón 1:21

Mʉʉba maka b̶ʉʉruu kuitaa b̶uud̶eeba bichiba mʉ bed̶ea ijãai. Kuitaa b̶uu mʉʉba jara b̶uu bichiba aude biꞌia waui.