2 Corintios 2:16 - Emberá Chamí

¹⁶ Chi karibaabai nureemaarã, mau kera ẽbẽra biud̶a mikia kĩra b̶uu, Jesusd̶e ijãad̶awẽa panuud̶eeba biud̶aid̶eeba. Maamina chi karibai nureemaarã, mau kera ãrea tuwaa b̶uu, ewaricha chokae panad̶aid̶eeba. Maka ¿kaiba ara ichi meserãad̶eeba Dachi Akõre bed̶ea poyaa jaradeaima?

2 Corintios 2:16 Iomraidhean Croise

Lucas 2:34

Maud̶e Simeonba ãchimaa biꞌia jaraped̶a Mariamaa naka jarasii: —Dachi Akõreba nau warr deasii israeld̶ebenarã ãrea biꞌia b̶umera maud̶e ãrea biꞌiwãe b̶umera. Kuitaabiai ichi Dachi Akõred̶ebena nee b̶uu, maamina ichi ʉ̃rʉbena kachirua jarad̶ai.

Juan 9:39

Maud̶e Jesusba jarasii: —Mʉ nau iujãad̶aa neesii ẽbẽrarã nebʉra dauchaai baita. Maka chi dau pãriu nuree kĩra nureeba unud̶ai maud̶e chi unu panuu a panuu dau pãriu nuree kĩra paneed̶ai.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.