2 Corintios 2:10 - Emberá Chamí

¹⁰ Ab̶auba kachirua waud̶a machiba kʉde uru b̶ee ida b̶uuduubʉrã mʉa bid̶a kʉde uru b̶uu ida b̶ui. Kachirua mʉʉba kʉde uru b̶uu ida b̶ui biawãra b̶uasiibʉrã, mau kachirua Cristo daad̶e joma perdonasii machi biꞌia duanad̶amera.

2 Corintios 2:10 Iomraidhean Croise

Mateo 18:18

»Mʉʉba biawãra jaraaruu: chi machiba nau iujãad̶e ida kabid̶awẽa panuu Dachi Akõre bajãad̶e b̶úbid̶a ida kabiibai. Maud̶e chi machiba nau iujãad̶e ida kabi panuu Dachi Akõre bajãad̶e b̶úbid̶a ida kabii.

Juan 20:23

Ẽbẽraba kachirua waud̶a machiba Dachi Akõre Jaurid̶eeba perdonaaduubʉrã, mauba jara b̶uu Dachi Akõreba mau kachirua perdonasii. Maud̶e ẽbẽraba kachirua waud̶a machiba Dachi Akõre Jaurid̶eeba perdonad̶awẽebʉrã, mauba jara b̶uu Dachi Akõreba mau kachirua perdonawẽa b̶uu.

1 Corintios 5:4

Machi araa ãbua imiiduud̶e mʉ jaurid̶e machi ome b̶uai. Maud̶e Dachi Mechiu Jesusba chi poyaabarii machimaa deai,

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

2 Corintios 6:6

Dai jipa nibaped̶aad̶ad̶eeba, biawãra kʉ̃risia kuitaad̶eeba, joma dauchia jãadua panuud̶eeba, sõbiad̶eeba, Dachi Akõre Jauri dai sõd̶e b̶uud̶eeba, biawãra kʉ̃riad̶eeba, chi biawãra bed̶ea jaradea panuud̶eeba, maud̶e Dachi Akõre poyaaba maka unubi panuu. Dai jipa panuud̶eeba kachirua poyaabadau maud̶e ara mau jipa panuud̶eeba daiba chi kachiruamaa ida poyaabid̶akau.

Efesios 4:32

Sõbiad̶eeba nureásturu. Kĩra chuburia baraa nureásturu. Chi machiba kachirua wauped̶aad̶a kʉde uru b̶ee ida b̶ústuru, Dachi Akõreba machi kachirua Cristod̶eeba ida b̶ud̶a kĩra.