2 Corintios 13:3 - Emberá Chamí

³ Machiba Cristo biawãra mʉʉd̶eeba berrea b̶uu kuitaa kʉ̃ria panuud̶eeba, mʉʉba maka unubiai. Cristoba ara ichi meserãaswãe nii machimaa unubiakau, maumaarã meserãa nii unubia b̶uu.

2 Corintios 13:3 Iomraidhean Croise

Mateo 10:20

Ara machi kʉ̃risiad̶eeba berread̶aabai, maumaarã machi kakua Dachi Akõre Jauri berreai.

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

1 Corintios 7:40

Mʉʉba kʉ̃risia b̶uu ichi kima adauwẽebʉrã kĩrajʉʉ b̶uai. Maud̶e mʉʉba kʉ̃risia b̶uu Dachi Akõre Jauriba maka kʉ̃risiabi b̶uu.

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 10:4

Daiba chĩod̶ai baita uru panuu nau iujãad̶ebenawãema, maumaarã Dachi Akõre poyaabariid̶eeba joma nau iujãad̶ebena kʉ̃risiabadau daiba poyaabadau.

2 Corintios 12:12

Mʉ machi tãed̶e b̶uasiid̶e joma wausii, Jesucristoba bʉid̶arãba waubadau kĩra. Joma dauchia jãadua b̶uasii maud̶e ẽbẽrarãba ne poyaa waud̶akau waubachii.

2 Corintios 2:10

Ab̶auba kachirua waud̶a machiba kʉde uru b̶ee ida b̶uuduubʉrã mʉa bid̶a kʉde uru b̶uu ida b̶ui. Kachirua mʉʉba kʉde uru b̶uu ida b̶ui biawãra b̶uasiibʉrã, mau kachirua Cristo daad̶e joma perdonasii machi biꞌia duanad̶amera.

2 Corintios 2:6

Machid̶ebena ãreaba mau ẽbẽra kachirua waud̶a kastikasid̶au. Ara mauba ara b̶uu.

2 Corintios 9:8

Biawãra Dachi Akõreba ne joma machimaa ãrea poyaa deai. Maka ewaricha ne jomad̶e machiba uru nuread̶ai panuu biawãra uru panad̶ai maud̶e joma biꞌia waud̶ai baita.