2 Corintios 10:2 - Emberá Chamí

² Maka jara panumina machimaa neeruud̶e dai kachirua jara panuu mʉʉba biawãra iadaai. Ãchiba jara panuu dai nau kakuaba kʉ̃ria b̶uu kĩra nibabadau. Maud̶eeba machi sid̶a iadaamaaba mʉʉba chi chuburia id̶iiruu jipa waud̶amera.

2 Corintios 10:2 Iomraidhean Croise

Romanos 8:1

Jãabae Dachi Akõreba ne ab̶a bid̶a nebʉra barau awẽma, dachi Cristo Jesús ome panuud̶eeba.

Romanos 8:4

Ichiba maka wausii dachiba poyaa jipa waud̶amera Moisesba b̶ʉd̶ad̶e jara b̶uu kĩra. Jãabae dachi poyaa jipa nibad̶ai nau kakuaba wau kʉ̃ria b̶uud̶e nibad̶akaud̶eeba, maumaarã Dachi Akõre Jaurid̶eeba nibabadaud̶eeba.

Romanos 8:5

Chi nau kakuaba wau kʉ̃ria b̶uud̶eeba nibabadaurãba ara mau kĩra kʉ̃risiabadau. Maamina chi Dachi Akõre Jaurid̶eeba nibabadaurãba Dachi Akõre Jauriba kʉ̃ria b̶uu kʉ̃risiabadau.

2 Corintios 1:17

Maamina mʉʉba kʉ̃risia b̶uad̶a kĩra waubasiid̶eeba ¿machimaarã mʉʉba ãyaa jaraska? ¿Machimaarã mʉʉba waui ad̶a waya wauwẽ abarika mʉʉba wau kʉ̃ria b̶uu kĩra waui baita?

2 Corintios 11:21

Mʉʉba jaraaruu: mʉ machi tãed̶e b̶uasiid̶e, jãarã kĩra b̶uabasii. Machimaarã, mʉ maka chi poyaabariiswãe b̶uad̶a kakua, ¿nejasia b̶uai b̶uka? Ab̶auba ara ichi ʉ̃rʉbena poyaa biꞌia berrearuubʉrã, mʉa bid̶a ara mʉ ʉ̃rʉbena poyaa biꞌia kʉ̃riai. Maamina maka berrearuud̶e kʉ̃risiaswãe nii kĩra berreai b̶uu.

2 Corintios 13:10

Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Corintios 13:2

B̶es ome machimaa wãsiid̶e mʉʉba jarasii kachirua wau nureerãmaa waa waurãad̶amera. Maka waud̶awẽebʉrã, waya neeruud̶e mʉʉba ãchi kĩra chuburiabai asii. Maud̶e ara ʉ̃raud̶e mʉ machi baara b̶uuwãemina arab̶aud̶e jaraaruu: kachirua wau nureerãba ida b̶ud̶awẽebʉrã, mʉ waya wãaruud̶e ãchi kĩra chuburiabai.