2 Corintios 1:9 - Emberá Chamí

⁹ Biawãra dai bead̶ai kʉ̃risiasid̶au. Maamina joma makasii ara dai du ab̶a poyaa karibad̶ai kʉ̃risiarãad̶amera maumaarã chi biuped̶aad̶a chokae jiradubibarii Dachi Akõreba karibai ijãad̶amera.

2 Corintios 1:9 Iomraidhean Croise

Lucas 18:9

Waabenarãba ãchi jipa nuree kʉ̃risia panasid̶au. Maud̶eeba waabenarã kʉ̃riad̶ai ida b̶ubachid̶au. Jesusba ãchimaa nebʉrʉ b̶uuba naka jaradeasii:

Romanos 8:36

Dachi Akõre bed̶ead̶e naka b̶ʉ kub̶uu: «Ewaricha bichi kakua dai bea kʉ̃ria panuu. Oeja beabadau kĩra bead̶ai kʉ̃risia panuu».

2 Corintios 1:10

Ichiba dai bead̶ai bad̶a karibasii maud̶e waya bead̶ai kʉ̃risiaduubʉrã kariba b̶uai. Daiba biawãra ijãa panuu ichiba dai bead̶ai bad̶a kariba b̶uai.

2 Corintios 1:8

Ãbarã, maud̶eeba daiba kʉ̃ria panuu dai Asia druad̶e biawãra ãrea biꞌiwãe panaped̶aad̶a machiba mau kuitaad̶ai. Dai ãrea nebʉrad̶e panasiid̶eeba waa poyaa dauchia jãaduad̶aabai kʉ̃risiasid̶au maud̶e poyaa chokae panad̶aabai kʉ̃risiasid̶au.

2 Corintios 3:5

Daiba poyaa jarad̶aabai ara dai du ab̶a Dachi Akõre traju poyaa waud̶ai panuu. Maumaarã kuitaa panuu Dachi Akõred̶eeba joma poyaa waud̶ai.

2 Corintios 4:7

Daiba chi bed̶ea bia Cristo ʉ̃rʉbena uru panumina, nau kakua meserãaswãe b̶uu. Choko bari au ãribarii kĩra b̶uu. Maud̶eeba jomaurãba kuitaa panuu dai meserãad̶eeba mau bed̶ea jaradea panuuwãe, maumaarã Dachi Akõre meserãa mechia b̶uud̶eeba jaradea panuu.

Hebreos 11:19

Abrahamba kʉ̃risiasii ichi warr Isaac bearuubʉrã Dachi Akõreba mau poyaa chokae jiradubii. Biawãra Isaac chokae jiradubisiid̶eeba Abrahamba chi warr chokae uru b̶eesii.