1 Timoteo 2:5 - Emberá Chamí

⁵ Dachi Akõre ab̶aburu nii. Maud̶e chi ẽbẽrarã Dachi Akõre ome nebʉrad̶e panad̶a mau biꞌia nibabiabarii ab̶aburu nii. Mau ẽbẽra Jesucristobʉ.

1 Timoteo 2:5 Iomraidhean Croise

Mateo 1:1

Nau karta Jesucristo ʉ̃rʉbena. Jesucristo dachi nabẽrarã Abrahamd̶ebena maud̶e dachi rey Israeld̶ebena David naka neesii.

Mateo 1:23

«Wẽra mukĩra adua nii warr baraai maabae warr ab̶a adaui. Ẽbẽrarãba chi warr Emanuel trʉ̃ad̶ai». (Mau trʉ̃ jara b̶uu «Dachi Akõre dachi baara b̶uu»).

Lucas 14:22

Chi chibari baita bari trajabariiba maka wausiid̶e jarasii: “Bichiba jarad̶a kĩra mʉʉba wausii, maamina wabid̶a de bari kub̶uu”.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Hechos 4:12

Maud̶eeba Jesucristod̶éburu ijãaduubʉrã, Dachi Akõreba dachi kastikaabai dachiba kachirua wauped̶aad̶a kakua. Ichi awara, Dachi Akõreba ab̶a bid̶a nau iujãad̶e b̶uubasii ẽbẽrarã karibamera.

Romanos 1:3

Mau bed̶ea bia ichi Warr ʉ̃rʉbena jara b̶uu. Ichi Warr Dachi Mechiu Jesucristo nau kakuad̶e Israeld̶ebena rey Davidd̶ebena need̶abʉ. Maud̶e ichi biu b̶uad̶a chokae jiradusiid̶e Dachi Akõre Jauriba unubisii mau Dachi Akõre Warr joma poyaa nii.

Romanos 10:12

Dachi Akõre jomaurã Mechiud̶eeba judiorã maud̶e judiowãerã sid̶a arab̶aud̶e waubarii. Ichimaa chi chuburia id̶iiduu joma karibabarii.

1 Corintios 8:4

Maud̶eeba Dachi Akõrerã kuenda juaba ne kaped̶aad̶arãmaa ãnimara kiuru baa dead̶a kobadau ʉ̃rʉbena mʉʉba jaraaruu. Dachiba kuitaa panuu juaba ne kaped̶aad̶a biawãrawãe. Maud̶e kuitaa panuu Dachi Akõre biawãra ab̶aburu nii.

1 Corintios 8:6

Maamina dachimaarã Dachi Akõre ab̶aburu nii. Ichi dachi Bajãad̶ebena Akõrebʉ. Ichiaburu ne joma wausii. Dachi ichi baita chokae panuu. Maud̶e Dachi Mechiu Jesucristo ab̶aburu nii. Ichid̶eeba Dachi Akõreba ne joma wausii. Ichid̶eeba dachi chokae panuu.

Gálatas 3:20

Maamina Dachi Akõreba Abrahammaa karibai asiid̶e ab̶a bid̶a mau bed̶ea jarad̶e bʉibasii, maumaarã ara ichiaburu Abrahammaa maka jarasii.

Efesios 4:6

Dachi Akõre ara ab̶aburu nii. Ichi jomaurã Akõrebʉ, jomaurã Mechiubʉ. Jomaurã sõd̶e b̶uu maud̶e jomaurãd̶eeba ichiba wau kʉ̃ria b̶uu waubarii.

1 Timoteo 6:13

Joma chokae nuree Dachi Akõred̶eeba chokae nuree. Ara mau Dachi Akõre daad̶e mʉʉba jaraaruu bichiba wau b̶uamera. Jesucristo daad̶e bid̶a arab̶aud̶e jaraaruu ichiba Poncio Pilato daad̶e chi bed̶ea biawãra jarad̶a kĩra. Mʉʉba nau jaraaruu: mʉʉba jaradea b̶uu kĩra jipa wau b̶uase, bichi ʉ̃rʉbena kachirua jarabiamaaba ab̶a Dachi Mechiu Jesucristo neeruud̶aa.

Hebreos 12:24

Machi Jesusmaa neesid̶au. Ichid̶eeba ẽbẽrarã Dachi Akõred̶erã ome bed̶ea chiwid̶i deasiid̶e machi ichi oa jĩtod̶okad̶amaa neesid̶au. Jesús oa ched̶aba Abel oa ched̶a audeara kuitaabia b̶uu.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

Hebreos 8:6

Maamina Jesús dachi Paare Mechiuba bajãad̶e waubarii paarerãba nau iujãad̶e waubadau audeara biꞌia b̶uu. Ara mau kĩra Dachi Akõreba Jesusd̶eeba bed̶ea dead̶a bibuara b̶uu ẽbẽrarã bed̶ea dead̶a audeara, Dachi Akõreba ẽbẽrarã ãrea karibai asiid̶eeba.

Hebreos 9:15

Makarã Cristod̶eeba Dachi Akõreba bed̶ea chiwid̶i deasii. Ẽbẽrarã chi Ichiba nabena bed̶ea dead̶ad̶e panabachid̶aud̶e kachirua waubachid̶au. Maamina Cristo biusii maud̶ebena karibai baita. Maud̶e Cristo biusiid̶eeba ichid̶eeba chi ichiba iukuad̶arãba chi bia wãꞌãekau deai jarad̶a poyaa adaud̶ai.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.

Apocalipsis 1:13

Mau 7 ʉ̃d̶aa koabarii ẽsa, chi Ẽbẽra Ba B̶uad̶a kĩra nii unusii. Paru jʉ̃rʉd̶eed̶e deseroa jʉ̃ b̶uasii. Ichi pechud̶e nee waud̶a paraa jʉ̃ b̶uasii.