1 Timoteo 2:15 - Emberá Chamí

¹⁵ Maamina wẽrarãba warr adaubadaud̶eeba maarã karibai, Cristod̶e ijãa paneeduubʉrã, biawãra waabenarã kʉ̃ria uru paneeduubʉrã maud̶e Dachi Akõre baita biꞌia paneeduubʉrã. Joma mau kĩra jipa nuread̶ai panuu.

1 Timoteo 2:15 Iomraidhean Croise

Tito 2:12

Mauba dachimaa kuitaabia b̶uu ne joma kachirua maud̶e nau iujãad̶ebenarãba kʉ̃riabadau ida b̶ud̶ai panuu. Maud̶e kuitaabia b̶uu dachi nau iujãad̶e panuud̶e kʉ̃risia sõbiad̶eeba dachi kakua kĩra jipa nibad̶ai panuu Dachi Akõreba kʉ̃ria b̶uu kĩra.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

1 Timoteo 2:9

Mʉʉba kʉ̃ria b̶uu wẽrarãba paru arakʉd̶e jʉ̃d̶amera, wẽrarã jipa nureeba jʉ̃badau kĩra. Ãchi bud̶a ãrea kapipia meraa irud̶awẽa panad̶ai panuu. Nee maebʉrã perla jʉ̃d̶awẽa panad̶ai panuu. Maud̶e paru chi nejarr ãrea id̶ibadau jʉ̃d̶awẽa panad̶ai panuu.

Lucas 2:7

Kãibadau de bari wãꞌãed̶eeba ichi warr imina adaud̶a paruba bʉraped̶a ãnimara kobadaud̶e nub̶usii.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

1 Corintios 12:23

Maud̶e chi dachimaarã nau kakuad̶e ãrea balewẽa b̶ee biꞌia nubadau biꞌia unud̶amera. Maud̶e nau kakuad̶e chi nuree dachiba unubid̶aabai panuu kauwa merabadau.