1 Pedro 4:4 - Emberá Chamí

⁴ Jãabae machiba waa chi Dachi Akõred̶e ijãad̶akaurã ome kachirua waud̶akaud̶eeba ãchiba kuitaa kʉ̃risiad̶akau. Maud̶eeba machi ʉ̃rʉbena kachirua berreabadau.

1 Pedro 4:4 Iomraidhean Croise

Mateo 23:25

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba basu maud̶e paratu chi ʉ̃rʉbena biꞌia jeraabadau, maamina ed̶are kachirua nuree. Ara mau kĩra machi sõd̶e bid̶a ne joma adaud̶ai kʉ̃riabadau maud̶e chi machiba kachirua kʉ̃riabadau, ara maka waubadau.

Lucas 15:13

Kãꞌãabariwãed̶e chi kaad̶ebenaba adaud̶a joma nedobʉiped̶a kaitawẽ ãrea wãsii junebena druad̶aa. Aria ne joma kachirua wau b̶eesii chi nejarra wãꞌãeruud̶aa.

Hechos 13:45

Maamina chi judiorã karrarãba ẽbẽrarã ãrea ãchi ded̶e unusid̶aud̶e Pablo kakua sõd̶e jiwaa duaneesid̶au. Pabloba jaradea b̶uud̶e ãchiba seta abachid̶au maud̶e Pablo ʉ̃rʉbena kachirua berreabachid̶au.

Hechos 18:6

Maamina ichiba jara b̶uu ãchiba ida b̶usid̶au. Maud̶e ichi ʉ̃rʉbena kachirua berreabachid̶au. Maud̶eeba Pabloba chi paru jʉ̃ b̶uu neapesii, chi ãchiba wauped̶aad̶a ichiba mau kʉ̃riawẽa b̶uu unubiai baita. Naka jarasii: —Machiba mau bed̶ea ijãad̶awẽebʉrã, mʉ kakuawãe. Chi mʉʉba machi baita waui b̶uad̶a, mau joma wausii. Jãabae nau tõpe mʉ judiowãerãmaa wãi.

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

Efesios 5:18

Ituaba biu nibarã́sturu. Mauba kachirua aude waubibarii. Biu nibad̶ai audeara Dachi Akõre Jaurid̶eeba nureásturu.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 3:16

Ara machi du ab̶a kuitaa panásturu kachirua waud̶awẽa nuree. Maka machi Cristo kakua biꞌia nibabadau ʉ̃rʉbena kachirua berreabadaurã perad̶ai.

2 Pedro 2:12

Maamina setaa jaradeabadaurãba ãchiba adua panuud̶ebena kachirua berreabadau. Ãnimara kĩra kʉ̃risiaswãe nuree. Ab̶a ãchi kakuaba kʉ̃ria b̶uu waubadau. Ãnimara tobadau ẽbẽrarãba jidaud̶aped̶a bead̶amera. Ara mau kĩra setaa jaradeabadaurã joma biud̶ai.

2 Pedro 2:22

Ãchi ẽbẽraba naka jarabadau kĩra nuree: «Usa otomaaped̶a waya neebarii chi otomaad̶a koi baita». Maud̶e naka jarabadau: «Sina kuiped̶a waya ioro susuad̶e bʉraa b̶eebarii».

Judas 1:10

Maamina chi maarã ẽbẽrarã machi tãed̶e neeped̶aad̶aba, ãchiba adua panuu ʉ̃rʉbena kachirua berreabadau. Ãnimararãba kʉ̃risiabadau kĩra kʉ̃risiabadau maud̶e chi kakuaba waubi kʉ̃ria b̶uu kĩráburu waubadau. Maud̶eeba Dachi Akõreba kastikakuai.