1 Pedro 3:7 - Emberá Chamí

⁷ Mukĩrarã wẽra barau nuree, kʉ̃risia biad̶eeba machi wẽra ome biꞌia panásturu. Machi wẽra biꞌia b̶uabii kʉ̃ria panuud̶eeba ãchi biꞌia nu panásturu, wẽra mukĩra aude meserãaswãe niid̶eeba maud̶e machi omea ãbua Dachi Akõre sõbiad̶eeba ichiba chokae panabiasiid̶eeba. Maka waud̶awẽebʉrã, machiba ʉtaa id̶iiduu Dachi Akõreba biꞌia ũriibai.

1 Pedro 3:7 Iomraidhean Croise

Mateo 18:19

»Mʉʉba naka jaraaruu: mʉʉd̶e ijãabadaurã ome maebʉrã õbea ãbua panuud̶e mʉ sid̶a aria b̶uai. Maud̶eeba nau iujãad̶e machid̶ebena ome panuu mʉ Chachamaa ʉtaa id̶id̶ai baita bed̶ea deaduubʉrã, machiba ʉtaa id̶iiduu mʉ Chacha bajãad̶e b̶uuba waui.

1 Corintios 7:3

Mukĩraba ichi kakua wẽramaa wãakaabai b̶uu. Chi wẽra bid̶a ichi kakua kimamaa wãakaabai b̶uu.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

Efesios 5:33

Mau ʉ̃rʉbena kuitaabi b̶umina machicha machi kima kʉ̃ria nuread̶ai panuu ara machi kʉ̃ria panuu kĩra. Maud̶e wẽraba ichi kima wapeadee b̶uai b̶uu.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Colosenses 3:19

Mukĩrarã wẽra bara nuree, machi wẽra kʉ̃riásturu. Maarã ome kĩrubi id̶aa panarã́sturu.

1 Tesalonicenses 4:4

Machi kakua jipa kuitaa panad̶ai duanásturu Dachi Akõre daad̶e maud̶e ẽbẽrarã daad̶e biꞌia panad̶amera.

Tito 3:7

Maka Dachi Akõreba ichi sõbiad̶eeba dachi jipa unu b̶uud̶eeba ewaricha ichi ome chokae panad̶ai. Mau esed̶au panuu.

Hebreos 1:14

Makarã, ¿Angelerã kairãma? Maarã joma Dachi Akõre baita nureed̶eeba, ãchi bʉikabarii chi ichiba karibai b̶uurã aid̶ad̶amera.

1 Pedro 3:1

Wẽra kima barau nuree, machi kima bed̶ea ijã́sturu. Maka chi nuree machi kimad̶ebenarãba Dachi Akõre bed̶ea ijãad̶awẽa panumina machi kĩra jipa nuree maud̶e Dachi Akõre wapea nuree unud̶aped̶a ijãad̶ai. Machiba machi kimamaa ijãad̶amera jarad̶awẽa panumina machiba biꞌia wau panuud̶eeba ijãabid̶ai.