1 Pedro 2:24 - Emberá Chamí

²⁴ Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

1 Pedro 2:24 Iomraidhean Croise

Mateo 8:17

Makasii Dachi Akõre baita berreabarii Isaiasba jarad̶a kĩra. Naka jarasii: «Dachi chi pira b̶uad̶a wãꞌãebisii maud̶e dachi ẽpermo panad̶a aribiabiasii».

Romanos 6:11

Ara mau kĩra kuitaad̶ai panuu machi kachiruad̶eeba biusid̶au maud̶e Dachi Mechiu Jesucristod̶eeba Dachi Akõre baita chokae panuu.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

Santiago 5:16

Mau baita machiba kachirua wauped̶aad̶a chiya jarásturu. Maud̶e ãbua Dachi Akõremaa ʉtaa id̶ísturu biꞌia duanad̶ai baita. Ẽbẽra jipa b̶uuba Dachi Akõremaa ʉtaa id̶iiruubʉrã Dachi Akõre poyaabariid̶eeba ne aribia waubarii.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

Romanos 6:2

¡Biawãra maka waud̶aabai panuu! Dachi kachiruad̶eeba biusid̶au. Maud̶eeba ¿saka kachiruad̶e nibad̶aima?

Colosenses 3:3

Maka nibad̶ai panuu, Cristo ome biud̶akare ichi ome chokae panuud̶eeba. Mau waabenarã ẽbẽrarãba kuitaad̶akau. Maamina Cristo Dachi Akõre ome chokae b̶uud̶eeba, machi sid̶a Dachi Akõre ome chokae panuu.

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Romanos 7:6

Maamina Moisesba b̶ʉd̶ad̶eeba panad̶a dachi ena paneesid̶au. Maud̶ebena biusiid̶eeba jãabae Dachi Akõre baita biꞌia waud̶ai ichi Jaurid̶eeba. Waya kʉ̃risiad̶aabai Moisesba b̶ʉd̶ad̶eeba maka waud̶ai.

1 Juan 3:7

Mʉ warrarã, ab̶aumaa ida setaa kũruabiarã́sturu. Chi jipa wau b̶uu Dachi Akõre daad̶e jipa nii, Cristo jipa nii kĩra.

Romanos 6:7

Biawãra ab̶a Cristo ome biud̶abʉrã, kachiruad̶ebena ena b̶eesii.

Romanos 6:16

Machiba kuitaa panuu ara machi du ab̶a ab̶aumaa bari trajabadaurã nuread̶ai baita deaduubʉrã, chi chibariba jaraaruu joma waud̶ai panuu. Ara mau kĩra machiba chi kachirua machi chibari kĩra b̶uuduubʉrã, kachirua waud̶aped̶a biud̶ai. Maamina Dachi Akõre machi chibari b̶uuduubʉrã, ichi bed̶ea wauduud̶e jipa nibad̶ai.

2 Corintios 6:17

Maud̶eeba Dachi Mechiuba naka jarasii: «Maarãd̶ebena ãyaa wã́sturu. Maarã ome araa ãbua panarã́sturu. Mʉʉba chi biꞌia unukau ida b̶ústuru. Maabae mʉʉba machi biꞌia irsibii.

Hechos 5:30

Dachi nabẽraed̶ebena Akõreba Jesús chokae jiradubisii. Maamina machiba mau cruzd̶e jirab̶u beabisid̶au.

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Mateo 5:20

Mʉʉba biawãra jaraaruu: Moisesba b̶ʉd̶a jaradeabadaurãba wau panuu kãyabãra maud̶e fariseorãba wau panuu kãyabãra machiba jipa waud̶aabasiibʉrã, Bajãad̶e B̶uuba machi ichi juad̶e ua b̶uabai.

Hebreos 12:13

O jipaud̶e nibásturu. Maka chi poyaara nuree b̶aed̶aabai, maumaarã biꞌia ijãa panad̶ai.

Hechos 13:29

Dachi Akõre kartad̶e ichi bead̶ai ʉ̃rʉbena b̶ʉped̶aad̶a joma mau maad̶akare ichi cruzd̶ebena ed̶aa adaud̶aped̶a jau b̶usid̶au.

Hechos 10:35

Maumaarã puuruchabena ichi wapeaba jipa wau nuree biꞌia unubarii.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Colosenses 2:20

Machi Cristo ome ãbua biusid̶aud̶eeba nau iujãad̶ebena jauri mechiurãd̶e ijãad̶aabai panuu. Mau ¿sakãe wabid̶a mau kʉ̃risia ijãa panuma nau iujãad̶ebenarã ijãabadau kĩra?

Romanos 6:22

Jãabae machi kachiruad̶ebena ena wãsid̶aud̶eeba Dachi Akõre baita bari trajabadaurã paneesid̶au. Maka Dachi Akõre baita biꞌia paneesid̶au. Maud̶eeba ichi baara ewaricha chokae panad̶ai.

Hechos 10:39

Judiorã druad̶e maud̶e Jerusalén puurud̶e Jesusba waud̶a daiba joma unusid̶au. Ichiba ne bia wausmina judiorãba cruzd̶e jirab̶u beasid̶au.

Mateo 27:26

Maabae Pilatoba Barrabás enatasii. Maamina Jesús pebiped̶a kokoroarãmaa deasii cruzd̶e jirab̶u bead̶amera.

Efesios 5:9

Ʉ̃d̶aad̶e nibaaruubʉrã sõbia nuread̶ai, jipa waud̶ai maud̶e biawãrad̶eeba nibad̶ai.

Juan 19:1

Maabae Pilatoba Jesús pebewabisii.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Marcos 15:15

Pilato ẽbẽrarã ome kachirua b̶eebayua, Barrabás enatasii. Maamina Jesús pebiped̶a kokoroarãmaa deasii cruzd̶e jirab̶u bead̶amera.

1 Corintios 15:3

Mʉʉba chi aude biꞌia b̶uu machimaa jaradeasii, ara mʉʉba kuitaad̶a kĩra. Mau naubʉ: Cristo dachi kachirua kakua biusii Dachi Akõre bed̶ead̶e b̶ʉ kub̶uu kĩra.

Colosenses 2:14

Biawãra kachirua wau panuud̶eeba dachi Dachi Akõremaa deai b̶uu dead̶ai panasid̶au. Maud̶eeba Moisesba b̶ʉd̶ad̶e b̶ʉ kub̶uu dachi biud̶ai panuu. Maamina Cristo cruzd̶e biusiid̶e Dachi Akõreba mau dead̶ai panad̶a joma ida b̶usii.

Hebreos 10:5

Maud̶eeba Cristo nau iujãad̶aa neesiid̶e ichiba Dachi Akõremaa naka jarasii: «Bichiba ãnimara bichimaa baa dead̶ai maud̶e ne kaebea dead̶ai kʉ̃riawẽa b̶uu. Maamina bichiba mʉʉmaa kakua deasii mau deamera.

Hebreos 10:10

Dachi Akõreba kʉ̃ria b̶uu Jesucristoba joma wausii. Ara ichi ida beabisii. B̶es ab̶a maka waud̶aba dachi ewaricha Dachi Akõre baita biꞌia b̶usii.