1 Pedro 1:9 - Emberá Chamí

⁹ Maka kĩrajʉʉ panuu Jesucristod̶e ijãa panuud̶eeba, Dachi Akõreba karibaid̶eeba.

1 Pedro 1:9 Iomraidhean Croise

Romanos 6:22

Jãabae machi kachiruad̶ebena ena wãsid̶aud̶eeba Dachi Akõre baita bari trajabadaurã paneesid̶au. Maka Dachi Akõre baita biꞌia paneesid̶au. Maud̶eeba ichi baara ewaricha chokae panad̶ai.

Hebreos 11:13

Joma maarã ẽbẽrarã Dachi Akõred̶e ijãa badaped̶aad̶a biusid̶au. Maamina Dachi Akõreba deai jarad̶a ãchiba nau iujãad̶e adaud̶aabasii. Maamina kuitaasid̶au kaad̶ebena ewarid̶e ichiba joma deai. Maud̶eeba kĩrajʉʉsid̶au maud̶e arakʉd̶e jarasid̶au nau iujãad̶e ãchi ãyarebena druad̶ebena kĩra duanuu maud̶e ãibena druacha duanuu.

Santiago 1:21

Maud̶eeba ne joma kachirua maud̶e ne joma jipawãe b̶uu ida b̶ústuru. Maabae Dachi Akõreba ichi bed̶ea machi sõd̶e b̶ud̶a kʉ̃risia biad̶eeba ijã́sturu. Ara mau bed̶eaba machi Dachi Akõreba kastikaid̶ebena karibai.

1 Pedro 3:20

Maarã jaurirãba nabẽraed̶e Noé ewarid̶e Dachi Akõre bed̶ea ijãad̶aabasii. Noeba jãba mechiu wau b̶uumisa Dachi Akõreba joma dauchia jãadua b̶uud̶eeba esed̶au b̶uasii ãchiba ijãad̶amera. Maamina ẽbẽra b̶aꞌãra bania birud̶ad̶ebena paneesid̶au. Biawãra jaraaruubʉrã, 8buru karibasii.