1 Pedro 1:8 - Emberá Chamí

⁸ Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

1 Pedro 1:8 Iomraidhean Croise

Mateo 10:37

Ab̶auba chi akõre maebʉrã chi nawe mʉ audeara ãrea kʉ̃ria b̶uubʉrã, mau mʉ baara poyaa nibaabai. Ab̶aba chi warr maebʉrã chi kau mʉ audeara ãrea kʉ̃ria b̶uubʉrã, mau mʉ baara poyaa nibaabai.

Juan 14:15

»Machiba mʉ biawãra kʉ̃ria panuubʉrã, mʉ waubi b̶uu bed̶ea ijãa panad̶ai.

Juan 14:21

Chi mʉ waubi b̶uu bed̶ea ũriped̶a wau b̶uuba mʉ kʉ̃ria b̶uu. Ab̶auba mʉ kʉ̃ria b̶uubʉrã, mʉ Chachaba mau kʉ̃ria b̶uai. Maud̶e mʉa bid̶a mau kʉ̃ria b̶uai maud̶e mʉ ichimaa unubii.

Juan 14:24

Chi mʉ kʉ̃riawẽa b̶uuba mʉ bed̶ea waukau. Chi machiba ũri panuu bed̶ea mʉʉd̶ewãe, maumaarã mʉ Chacha, chi mʉ bʉid̶ad̶e.

Juan 16:22

Ara mau kĩra machi jãabae kĩra nomaa panuu, maamina mʉ waya machi ichiad̶e neei. Maabae machi kĩrajʉʉd̶ai. Ab̶au bid̶a mau kĩrajʉʉ poyaa wãꞌãebiibai.

Juan 20:29

Maka b̶uud̶e Jesusba ichimaa jarasii: —Bichiba mʉ unusiid̶eeba ijãaruu. ¡Maamina chi ẽbẽrarãba mʉ unud̶awẽed̶e ijãaduubʉrã, ãrea biꞌia nuread̶ai!

Juan 8:42

Jesusba jarasii: —Dachi Akõre machi Akõre basirã, machiba mʉ biawãra kʉ̃riad̶ai basii, Dachi Akõred̶eeba neeped̶a nama b̶uud̶eeba. Mʉ ara michi kʉ̃ria neebasii. Ichiaburu bʉisii.

Hechos 16:34

Pablo maud̶e Silas ichi deed̶aa adoeped̶a kobiasii. Dachi Akõred̶e ijãasid̶aud̶eeba ichi maud̶e chi ichi ded̶ebenarã ãrea kĩrajʉʉsid̶au.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

1 Corintios 16:22

Barikiuba Dachi Mechiu Jesucristo kʉ̃riawẽebʉrã, Dachi Akõreba mau ẽbẽra nebʉra barau ai. ¡Uche, Dachi Mechiu!

2 Corintios 1:22

Ichi Jauriba dachicha dauchaa b̶usii dachiba ichid̶irã kuitaad̶amera. Maud̶e dachi sõd̶e b̶usii kuitaad̶amera joma ichiba deai jarad̶a biawãra adaud̶ai.

2 Corintios 4:18

Maud̶eeba dauba unubadau daiba kʉ̃risia panuuwãe, maumaarã dauba unud̶akau kʉ̃risia panuu. Dachi dauba unubadau isa wãꞌãebarii maamina dauba unud̶akau wãꞌãekau.

2 Corintios 5:7

Dachi dauba unu panuud̶eeba nibad̶akau, maumaarã Dachi Akõred̶e ijãa panuud̶eeba nibabadau.

2 Corintios 9:15

Biawãra Dachi Akõreba mau dead̶a kakua dachiba Dachi Akõremaa ichíturu kid̶ibai ad̶ai panuu. Mau dead̶a aude biꞌia b̶uud̶eeba dachiba poyaa kuitaa jarad̶aabai saka b̶uu.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Efesios 3:19

Ara dachi kʉ̃risiad̶eeba poyaa kuitaad̶akamina mʉʉba ʉtaa id̶i b̶uu machiba mau kuitaad̶amera. Kuitaaduubʉrã ne jomad̶e Dachi Akõre kĩra nuread̶ai.

Efesios 6:24

Mʉʉba kʉ̃ria b̶uu Dachi Akõreba ichi sõbiad̶eeba joma Dachi Mechiu Jesucristo biawãra ãrea kʉ̃ria nuree aid̶a b̶uai. Biꞌia b̶uu maka b̶uai.

Filipenses 1:25

Maud̶eeba kuitaa b̶uu machi aid̶ai baita mʉ wabid̶a chokae b̶uai maud̶e waya machi ome ãbua b̶uai. Maka machiba Cristod̶e biꞌia ijãa panuud̶eeba kĩrajʉʉ panad̶ai.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

Filipenses 4:4

Dachi Mechiu Jesucristo ome panuud̶eeba ewaricha kĩrajʉʉ panásturu. Mʉʉba waya jaraaruu: ¡Kĩrajʉʉ panásturu!

Hebreos 11:1

Dachiba Dachi Akõred̶e ijãa panuud̶eeba kuitaa panuu chi dachiba esed̶aubadau mau biawãra adaud̶ai. Maud̶e chi dachiba unud̶akau mau b̶uabarii kuitaa panuu.

Hebreos 11:27

Moisesba Dachi Akõred̶e ijãa b̶uasiid̶eeba faraón kĩrubi wapeawẽa Egiptod̶ebena wãsii. Chi Dachi Akõre dachiba unud̶akau unu b̶uu kĩra ichiba ijãa b̶uu ida b̶uubasii.

1 Pedro 1:6

Maud̶eeba ãrea kĩrajʉʉ panuu. Ara ʉ̃raud̶aa ne aꞌawaraad̶eeba machi ãrea biꞌiwãe panumina,

1 Pedro 2:7

Machi chi Cristod̶e ijãabadaurãmaarã, ichi ãrea biꞌia b̶uu. Maamina chi ichid̶e ijãad̶akaurã ʉ̃rʉbena Dachi Akõre bed̶ead̶e naka b̶ʉ kub̶uu: «Chi mo chi de waubadaurãba ida b̶uped̶aad̶a, mau chi biara b̶eesii».

1 Pedro 5:4

Maabae Cristo dachi Nubarii chi Mechiu neeruud̶e machi chi mechiurã babiai boro jũra ãrikau dearuu kĩra.