1 Pedro 1:6 - Emberá Chamí

⁶ Maud̶eeba ãrea kĩrajʉʉ panuu. Ara ʉ̃raud̶aa ne aꞌawaraad̶eeba machi ãrea biꞌiwãe panumina,

1 Pedro 1:6 Iomraidhean Croise

Mateo 11:28

»Nejomad̶eeba kakua ãkaa panuubʉrã, mʉʉmaa nésturu. Mʉʉba machi kʉrrjĩrubiai.

Mateo 26:37

Maabae Zebedeo warrarã omea Pedro baara ãyaa adoesii. Ichi makai ʉ̃rʉbena kʉ̃risia b̶uud̶eeba kĩra nomaa b̶eesii.

Mateo 5:12

Ãrea kĩrajʉʉ panésturu, machiba ne bia ãrea bajãad̶e uru panad̶aid̶eeba. Ara mau kĩra nabẽraed̶e ewarid̶e bid̶a Dachi Akõre baita berreabadaurã ara mau kĩra wãraasid̶au biꞌiwãe paneebiad̶ai baita.

Lucas 1:47

Mʉ ãrea kĩrajʉʉ b̶uu Dachi Akõre ome, mʉ karibabarii.

Lucas 10:20

Maamina kĩrajʉʉrã́sturu machiba jai kachirua duabʉiduud̶e ãchiba ũribadaud̶eeba, maumaarã kĩrajʉ́sturu Dachi Akõreba machi trʉ̃ b̶ʉ kub̶uu bajãad̶e uru b̶uud̶eeba.

Lucas 2:10

Maamina mau angelba ãchimaa jarasii: «Wapearã́sturu. Mʉʉba bed̶ea bia machimaa jarad̶e neeruu. Mau bed̶ea kakua joma kĩrajʉʉd̶ai.

Juan 16:22

Ara mau kĩra machi jãabae kĩra nomaa panuu, maamina mʉ waya machi ichiad̶e neei. Maabae machi kĩrajʉʉd̶ai. Ab̶au bid̶a mau kĩrajʉʉ poyaa wãꞌãebiibai.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Romanos 12:12

Dachi Akõred̶ebena ne adoed̶ai kuitaa panuud̶eeba kĩrajʉʉ panásturu. Biꞌiwãe panuud̶e dauchia jãadua panásturu. Ewaricha Dachi Akõremaa ʉtaa id̶ísturu.

Romanos 5:11

Mau awara Dachi Mechiu Jesucristod̶eeba Dachi Akõre ome biꞌia nureed̶eeba ichid̶eeba Dachi Akõre ome sõbia panuu.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Romanos 9:2

Nau jaraaruu: mʉ ẽbẽrarã judiorã kakua ewaricha ãrea kĩra nomaa b̶uabarii, ãchi Dachi Akõre ome biꞌiwãe panuud̶eeba. Mʉ Cristod̶ebena awara b̶eei kʉ̃riai, mʉ ãbarã aid̶ai baita,

2 Corintios 4:17

Dai ʉ̃raud̶e ãrea biꞌiwãe paneebadamina, mauba dai aid̶a b̶uu, maad̶akare chi Dachi Akõre kĩrawãread̶e ewaricha panad̶ai baita. Mau kĩrawãrea aude bibuara b̶uai chi id̶ibae b̶aꞌãra biꞌiwãe paneebadau audeara.

2 Corintios 6:10

Dai kĩra nomaabadamina ewaricha kĩrajʉʉ panuu. Dai chi nejarra barauwãe panuu. Maamina daiba ẽbẽrarã ãreamaa Dachi Akõre ʉ̃rʉbena kuitaabiabadau ãchi barau nuree kĩra nuread̶amera. Dai chi nejarr barauwãe nuremina Dachi Akõred̶eeba joma uru panuu.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Filipenses 2:26

Ichiba machi biawãra unu kʉ̃ria b̶uu. Ãrea jirukaraa b̶uu, machiba ichi ẽpermo b̶uu ũrisid̶aud̶eeba.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

Filipenses 4:4

Dachi Mechiu Jesucristo ome panuud̶eeba ewaricha kĩrajʉʉ panásturu. Mʉʉba waya jaraaruu: ¡Kĩrajʉʉ panásturu!

1 Tesalonicenses 1:6

Arab̶aud̶e machiba dai panabachid̶au kĩra wau kopaneesid̶au. Maud̶e Dachi Mechiu nibad̶a kĩra wau kopaneesid̶au. Machi ãrea biꞌiwãe panumina Dachi Akõre Jauriba kĩrajʉʉbiasiid̶e chi bed̶ea bia ijãasid̶au.

Santiago 1:2

Ãbarã, barikia ãrea biꞌiwãe panuud̶e kĩrajʉʉ panásturu.

Santiago 1:9

Ãba chi nejarra barauwãe nii kĩrajʉʉ b̶uai b̶uu Dachi Akõre daad̶e mechiud̶eeba.

Santiago 4:9

Machiba kachirua wauped̶aad̶a kakua kĩra nomaa panásturu, jẽásturu, biuchaa jẽásturu. Waa kĩrajʉʉ ʉirã́sturu, maumaarã machiba kachirua wauped̶aad̶a kakua ãrea jirukaraa panásturu.

1 Pedro 3:17

Dachi Akõreba machi biꞌiwãe paneebiaruubʉrã, biꞌia b̶uu ãrea biꞌiwãe paneed̶ai biꞌia wau panuud̶eeba ãrea biꞌiwãe panad̶ai bad̶amaarã kachirua wau panuud̶eeba.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.