1 Pedro 1:3 - Emberá Chamí

³ Dachi Mechiu Jesucristo, dachi Bajãad̶ebena Akõremaa biꞌia berread̶ai panuu. Ichiba dachi ãrea kĩra chuburiasiid̶eeba Jesucristo biu b̶uad̶a chokae jiradusiid̶eeba dachi waya chokae duaneebiasii. Maud̶eeba kuitaa panuu

1 Pedro 1:3 Iomraidhean Croise

Juan 1:13

Ãchi Dachi Akõre warrarã bad̶aabasii ãchi naweba adaud̶ad̶eeba maebʉrã ẽbẽrarãba kʉ̃ria panad̶ad̶eeba. Maumaarã Dachi Akõréburu ichi warrarã babiasii.

Romanos 12:12

Dachi Akõred̶ebena ne adoed̶ai kuitaa panuud̶eeba kĩrajʉʉ panásturu. Biꞌiwãe panuud̶e dauchia jãadua panásturu. Ewaricha Dachi Akõremaa ʉtaa id̶ísturu.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Romanos 4:25

Ichiba Jesús b̶usii dachi kachirua kakua biumera. Maabae biud̶ad̶ebena chokae jiradubisii dachi chi ichid̶irã jipa nuree baara duanui baita.

Romanos 5:10

Dachi wabid̶a Dachi Akõre ome chi kĩramaa nureasiid̶e ichi Warr biusiid̶eeba dachi ichi ome biꞌia b̶usii. Cristo chokae b̶uud̶eeba, maka dachi biawãra karibai.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

Romanos 8:24

Dachi Akõreba dachi karibasiid̶eeba mau esed̶au panuu. Chi dachiba esed̶au panuu wabid̶a wãꞌãe panuu. Uru panad̶a basirã ¿sakãe esed̶au panad̶ai basma? ¿Kaiba ichiba chi uru b̶uu, adaui baita esed̶au b̶uaima?

1 Corintios 13:13

Nau õbea panuu wãꞌãekau: ne jomad̶e biꞌia ijãa b̶uai, esed̶au b̶uai joma biꞌia neemera maud̶e waabenarã kʉ̃ria b̶uai. Mau õbead̶ebena, ab̶au kʉ̃ria b̶uai chi aude bibuara b̶uu.

1 Corintios 15:20

Maamina Dachi Akõreba biawãra Cristo biu b̶uad̶ad̶ebena chokae jiradubisii. Biuped̶aad̶ad̶ebena ichi chi naa chokae jiradud̶abʉ. Maka Dachi Akõreba unubisii joma ichid̶irã sid̶a biawãra chokae jiradud̶ai.

2 Corintios 1:3

Dachi Mechiu Jesucristo Bajãad̶ebena Akõremaa biꞌia berread̶ai panuu. Ichi dachi kĩra chuburiabarii Dachi Akõrebʉ, dachi sõ kĩrajʉʉbiabarii Dachi Akõrebʉ.

Gálatas 6:16

Mʉʉba kʉ̃ria b̶uu joma chi mʉʉba jara b̶uu kĩra ijãa nuree Dachi Akõreba kĩra chuburia b̶uai maud̶e jirukaraayuwãe b̶uabiai. Maarã ẽbẽrarã Dachi Akõred̶erãbʉ.

Efesios 1:17

Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Efesios 1:3

Dachi Mechiu Jesucristo Akõremaa biꞌia berread̶ai panuu. Cristo ome panuud̶eeba ichi Jaurid̶eeba chi bia joma dachimaa bajãad̶ebena dea b̶uu.

Efesios 1:7

Ichi Warr oa chesiid̶eeba Dachi Akõreba dachi kachiruad̶ebena karibasii. Ichi mechiu sõbiad̶eeba dachiba kachirua wauped̶aad̶a joma perdonasii.

Efesios 2:4

Maamina Dachi Akõreba ãrea kĩra chuburiabarii. Ichiba dachi ãrea kʉ̃ria b̶uud̶eeba

Efesios 3:20

¡Dachi Akõre ãrea biꞌia nii! Ichi poyaabarii dachi sõd̶e b̶uud̶eeba ne mechiu poyaa waui, dachiba kʉ̃risiabadau audeara maebʉrã ichimaa ʉtaa id̶ibadau audeara.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

1 Tesalonicenses 4:13

Ãbarã, daiba kʉ̃ria panuu machiba Jesusd̶e ijãabadaurã biuped̶aad̶a ʉ̃rʉbena kuitaad̶amera. Maka machi kĩra nomaad̶aabai Dachi Akõred̶e ijãad̶akaurã kĩra nomaabadau kĩra. Ãchi kĩra nomaabadau chi biuped̶aad̶a saka duanad̶ai kuitaad̶awẽed̶eeba.

2 Tesalonicenses 2:16

Dachi Akõreba dachi kʉ̃riasii. Ichi sõbiad̶eeba sõbia nureabiasii ewaricha maka panad̶amera. Maud̶e kuitaabiasii biawãra ichid̶eeba ne bia adaud̶ai. Daiba kʉ̃ria panuu Dachi Mechiu Jesucristoba maud̶e Dachi Bajãad̶ebena Akõreba machi sõbiabid̶ayu maud̶e dauchia jãadua panad̶ayu. Maka machiba berrea panuu maud̶e wau panuu joma biꞌia b̶uai.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

1 Pedro 1:13

Maud̶eeba kʉ̃risia kuitaad̶eeba panásturu biꞌia waud̶ai baita. Kĩra jipa panásturu. Kakua ãkaad̶awẽa esed̶au panásturu Jesucristo unuuduu ewarid̶e Dachi Akõreba ichi sõbiad̶eeba machimaa ne bia deamera.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.

1 Pedro 1:23

Nau kakua biui b̶uud̶eeba machi chiwid̶i naweba waya adaud̶aabasii, maumaarã Dachi Akõre biukau niid̶eeba chiwid̶i adausid̶au. Dachi Akõre bed̶ea wãꞌãekauba chokae b̶uai deabarii. Mau bed̶ead̶eeba machi chiwid̶i wãwa kĩra adausid̶au.

1 Pedro 2:2

Dachi Mechiuba sõbiad̶eeba machi karibabarii kuitaasid̶au. Maud̶eeba warr ea adaud̶aba ju do kʉ̃ria b̶uabarii kĩra Dachi Akõre bed̶ea biꞌia kuitaa kʉ̃riásturu. Ichi bed̶ea chi biawãra ju b̶aara kĩra nii. Ichi bed̶ea kuitaaduubʉrã, warid̶ai ab̶a ichiba machi karibaaruud̶aa.

1 Pedro 3:15

Cristo machi Mechiud̶eeba, sõd̶eeba mau wapeásturu. Chi Cristod̶e adaud̶ai baita esed̶au panuud̶eeba mau ʉ̃rʉbena berread̶ayu panásturu. Maka ab̶auba id̶iiruubʉrã, poyaa ijarra berread̶awẽa arakʉd̶e panaud̶ai.

1 Pedro 3:21

Mau baniaba nau ʉ̃raud̶e boro eabadau ʉ̃rʉbena jara b̶uu. Boro eaduud̶e Jesucristo chokae jiradusiid̶eeba dachi kariba b̶uu. Boro earuuba dachi kakua jayoa jeraakau, maumaarã maka waubadau dachi kʉ̃risia jipa b̶uuba, biawãra Dachi Akõre ome nibad̶ai kʉ̃ria panuud̶eeba.

1 Pedro 3:5

Ara mau kĩra nabẽraed̶ebena wẽrarã Dachi Akõre baita nuread̶a kĩrawãrea nureasii. Dachi Akõreba waui jarad̶a ãchiba sõd̶eeba biawãra ijãa panabachid̶au maud̶e ãchi kima bed̶ea ijãabachid̶au.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

1 Juan 3:3

Chi Cristo kĩra b̶uai baita esed̶au b̶uu kachiruaswãe b̶uai baita nu b̶uabarii, Cristo kachiruaswãe nii kĩra.

1 Juan 3:9

Chi Dachi Akõre wãwa adaud̶a kĩra niiba kachirua waukau, Dachi Akõre chokae nibabiabarii ichid̶e b̶eebariid̶eeba. Dachi Akõred̶ebena neesiid̶eeba kachirua poyaa wau b̶uakau.

1 Juan 4:7

Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

1 Juan 5:18

Dachiba kuitaa panuu Dachi Akõre warrarãba kachirua wau panad̶akau, Dachi Akõre Warr Jesucristoba ãchi nu ua b̶uud̶eeba. Mauba jʉbawãe niiba ãchi kachirua poyaa waukau.

1 Juan 5:4

Joma Dachi Akõre warrarãba nau iujãad̶ebena kachirua ida b̶ubadau. Biawãra dachiba Jesucristod̶e ijãa panuud̶eeba mau poyaa ida b̶ud̶ai.