1 Juan 4:9 - Emberá Chamí

⁹ Dachi Akõreba dachi kʉ̃ria b̶uu unubiasii ichi Warr ab̶a nii nau iujãad̶aa bʉisiid̶e ichid̶eeba ewaricha chokae nuread̶amera.

1 Juan 4:9 Iomraidhean Croise

Marcos 12:6

»Chi chibariba wabid̶a ab̶a uru b̶uasii bʉii baita; mau ichi warr ãrea kʉ̃ria inii basii. Kaad̶aa, “mʉ warr wapeadee panad̶ai b̶ubaa” a kʉ̃risiaped̶a, bʉisii.

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Juan 10:10

Nechiruabarii neebarii oeja chiruai baita, beai baita maud̶e baribai baita. Maamina mʉ neesii, ẽbẽrarã ãrea chokae nibad̶amera.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Juan 3:18

Dachi Akõreba ichi Warrd̶e ijãa b̶uu kastikaabai. Maamina chi ichi Warrd̶e ijãawẽa b̶uu Dachi Akõreba kastikabarii, ichi Warr ab̶a nii ida b̶u b̶uud̶eeba.

Juan 5:23

Maka jomaurãba mʉ Chacha wapea panuu kĩra mʉ sid̶a wapead̶ai. Chi mʉ wapeawẽa b̶uuba mʉ Chacha sid̶a wapeawẽa b̶uu, mʉ Chachaba mʉ nau iujãad̶aa bʉisiid̶eeba.

Juan 6:29

Dachi Akõreba waubi b̶uu traju naubʉ: mʉ, chi ichiba bʉid̶ad̶e ijãad̶ai panuu.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Juan 6:57

Mʉ Chacha chokae b̶uabariiba mʉ bʉisii. Ara mau kĩra chi mʉ kooruu mʉʉd̶eeba chokae b̶uai.

Juan 8:29

Chi mʉ bʉid̶a mʉ baara b̶uu. Chachaba mʉ istu b̶ukau, mʉʉba wau b̶uabariid̶eeba ichiba kʉ̃ria b̶uu kĩra.

Juan 8:42

Jesusba jarasii: —Dachi Akõre machi Akõre basirã, machiba mʉ biawãra kʉ̃riad̶ai basii, Dachi Akõred̶eeba neeped̶a nama b̶uud̶eeba. Mʉ ara michi kʉ̃ria neebasii. Ichiaburu bʉisii.

Juan 9:3

Jesusba panausii: —Ichiba kachirua wausiid̶eeba maebʉrã chi akõrerãba kachirua wau panasiid̶eeba, jãka adaubasii. Maumaarã dau pãriu adausii ichid̶eeba Dachi Akõreba ne wauruu ẽbẽrarãba unud̶amera.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

Hebreos 1:5

Dachi Akõreba ángel ab̶aumaa bid̶a naka jaraabasii: «Bichi mʉ Warrbʉ. Id̶i bichi mʉ Warr aaruu». Maud̶e jãarã ʉ̃rʉbena nau jaraabasii: «Mʉ ichi akõre bai, maud̶e ichi mʉ warr bai».

1 Juan 3:16

Naud̶eeba dachiba kuitaa panuu dachi ãbarã kʉ̃riabadau: Jesucristo dachi kakua biusii. Ara mau kĩra dachi sid̶a kʉ̃riad̶eeba ãbarã baita biud̶ai baita nuread̶ai panuu.

1 Juan 4:10

Chi biawãra kʉ̃ria naka b̶uu: chi kʉ̃riad̶eeba Dachi Akõreba ichi Warr bʉisii biumera dachi kachirua perdonai baita. Dachi Akõreba maka waubasii dachiba ichi kʉ̃ria panasiid̶eeba, maumaarã maka wausii ichiba dachi kʉ̃riasiid̶eeba.

1 Juan 4:16

Dachiba kuitaa panuu maud̶e ijãa panuu Dachi Akõreba dachi kʉ̃riakua b̶uu. Dachi Akõreba ne jomad̶e kʉ̃ria b̶uu. Biawãra kʉ̃ria uru b̶uu Dachi Akõre ome b̶uu maud̶e Dachi Akõre ichi ome b̶uu.

1 Juan 5:11

Dachi Akõreba jara b̶uu naubʉ: ichi Warrd̶eeba dachi ewaricha mau ome chokae nibabiai.

1 Juan 5:13

Mʉʉba nau karta machi chi Dachi Akõre Warrd̶e ijãabadaurã baita b̶ʉʉruu kuitaad̶amera ewaricha Dachi Akõre ome chokae nuread̶ai.