1 Juan 4:7 - Emberá Chamí

⁷ Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

1 Juan 4:7 Iomraidhean Croise

Juan 13:34

»Mʉʉba waubi b̶uu bed̶ea wid̶i machimaa jaraaruu: ãrea kʉ̃ria nureásturu. Mʉʉba machi ãrea kʉ̃ria b̶uu kĩra machi sid̶a arab̶aud̶e chiya kʉ̃riásturu.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

1 Corintios 8:3

Maamina ab̶auba Dachi Akõre kʉ̃ria b̶uubʉrã, Dachi Akõreba mau kuitaa b̶uu.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Gálatas 4:9

Maamina jãabae machiba Dachi Akõre unubadau. Mʉʉba arakʉd̶e jaraaruubʉrã, Dachi Akõreba machi unubarii. Maka ¿sakãe nau iujãad̶ebena jauri mechiurã waya ijãad̶ai kʉ̃ria panuma, chibari baita bari trajabadaurã kĩra? Mauba machi aid̶akau.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

2 Timoteo 1:7

Dachi Akõreba dachi sõ wapea panabiabasii, maumaarã dachi poyaabarii panabiasii, waabenarã kʉ̃ria uru panabiasii, maud̶e dachi kakua saka kĩra jipa panad̶ai kuitaabiasii.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Juan 2:10

Chi ichi ãba kʉ̃riabarii ʉ̃d̶aad̶e b̶uu maud̶e ichi sõd̶e wãꞌãe kachiruad̶e b̶aebii baita.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

1 Juan 2:3

Dachi Akõreba waubi b̶uu bed̶ea dachiba mau wau panuubʉrã, unubiad̶ai panuu ichi biawãra unu panuu.

1 Juan 2:4

Ab̶auba jaraaruubʉrã: «Mʉʉba ichi unu b̶uu», maud̶e ichiba waubi b̶uu bed̶ea wauwẽa b̶uubʉrã, mauba setaa jara b̶uu. Chi biawãra bed̶ea adua b̶uu.

1 Juan 2:7

Ãbarã, mʉʉba machi baita b̶ʉwẽa b̶uu chi Dachi Akõreba waubi b̶uu bed̶ea wid̶i, maumaarã b̶ʉ b̶uu ichiba chi naed̶e waubi b̶uu bed̶ea jarad̶a. Mau waubi b̶uu bed̶ea machiba Cristod̶e ijãaped̶aad̶ad̶eed̶ebena kuitaa panuu. Mau nabẽraed̶ebena bed̶ea chi ichid̶ebena ũriped̶aad̶abʉ.

1 Juan 3:9

Chi Dachi Akõre wãwa adaud̶a kĩra niiba kachirua waukau, Dachi Akõre chokae nibabiabarii ichid̶e b̶eebariid̶eeba. Dachi Akõred̶ebena neesiid̶eeba kachirua poyaa wau b̶uakau.

1 Juan 4:11

Ãbarã, Dachi Akõreba dachi maka kʉ̃riasiid̶eeba dachi sid̶a chiya kʉ̃ria nuread̶ai panuu.

1 Juan 4:12

Ab̶au bid̶a Dachi Akõre dauba unukau. Maamina dachi chiya kʉ̃ria panuubʉrã, Dachi Akõre dachi ome b̶uu maud̶e ichi kʉ̃riad̶eeba dachiba biawãra joma kʉ̃ria panuu.

1 Juan 4:16

Dachiba kuitaa panuu maud̶e ijãa panuu Dachi Akõreba dachi kʉ̃riakua b̶uu. Dachi Akõreba ne jomad̶e kʉ̃ria b̶uu. Biawãra kʉ̃ria uru b̶uu Dachi Akõre ome b̶uu maud̶e Dachi Akõre ichi ome b̶uu.

1 Juan 4:20

Ab̶auba Dachi Akõre kʉ̃ria b̶uu aaruubʉrã, maud̶e ichi ãba kĩramaa b̶uaruubʉrã, setaa jara b̶uu. Chi ãba unu b̶uu kʉ̃riawẽa b̶uubʉrã, ¿saka Dachi Akõre unuwẽa nii kʉ̃ria b̶uaima?

1 Juan 4:8

Dachi Akõreba ne jomad̶e kʉ̃riakua b̶uud̶eeba chi ab̶au kʉ̃riawẽa b̶uuba Dachi Akõre unukau.

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

2 Juan 1:5

Neekau, mʉʉba chi chuburia id̶imaa b̶uu dachi chiya kʉ̃riad̶amera. Dachi Akõreba waubi b̶uu bed̶ea wid̶iwãebʉ, maumaarã mau dachiba arab̶aed̶eed̶e ũri panasid̶au.