1 Juan 4:17 - Emberá Chamí

¹⁷ Maka dachiba Dachi Akõre maud̶e joma ẽbẽrarã biawãra kʉ̃ria panuu. Dachi Akõreba dachi nebʉra kastikai ewarid̶e dachi ne wapeawẽa nuread̶ai, nau iujãad̶e Jesucristo nibad̶a kĩra nibaped̶aad̶ad̶eeba.

1 Juan 4:17 Iomraidhean Croise

Mateo 10:15

Mʉʉba biawãra jaraaruu: Dachi Akõreba kastikai ewarid̶e Sodomd̶ebenarã maud̶e Gomorrad̶ebenarã audeara mau puuru aude kastikai.

Mateo 11:22

Maamina mʉʉba machimaa jaraaruu: Dachi Akõreba kastikai ewarid̶e Tirod̶ebenarã maud̶e Sidond̶ebenarã audeara machi aude kastikai.

Mateo 11:24

Maamina mʉʉba jaraaruu: Dachi Akõreba kastikai ewarid̶e Sodomd̶ebenarã audeara machi aude kastikai.

Mateo 12:36

Bichiba ne bia jaraaruubʉrã Dachi Akõreba bichi biꞌia nibabii. Maamina ne kachirua jaraaruubʉrã ichiba kastikai. Mʉʉba machimaa jaraaruu: Dachi Akõreba kastikai ewarid̶e jomaurãba ichimaa jarad̶ai ãchiba bed̶ea kachirua barikia jaraped̶aad̶a».

Juan 15:20

Kĩrabásturu mʉʉba nau jarad̶a: “Chi chibari baita bari trajabarii ab̶a bid̶a ichi chibari audeara mechiu niiwãe”. Mauba jara b̶uu ẽbẽrarãba mʉ bed̶ea wau panuubʉrã, machi bed̶ea sid̶a waud̶ai. Maamina ãchiba mʉ kachirua waud̶ai baita wãraa panuubʉrã, machi sid̶a kachirua waud̶ai baita wãraad̶ai.

Juan 17:22

Bichiba mʉ adoesii dachi ãbua panad̶amera. Maka mʉ chi mechiu b̶usii. Ara mau kĩra mʉʉba ãchi chi mechiu b̶usii dachi ome chi kakua ab̶a nii kĩra panad̶amera.

Romanos 8:29

Mau maka b̶uu ichiba naed̶e kuitaa b̶uasiid̶eeba kairã ichid̶irã bai. Ãchi b̶usii ichi Warr Jesús kĩra nuread̶amera. Maka ichi Warr ãbarã ãrea panuud̶ebena, mau chi nabenabʉ.

Hebreos 9:27

Joma b̶es ab̶aburu biud̶ai. Mau maad̶akare Dachi Akõreba nebʉra ichiai.

Santiago 2:13

Chi waabenarã kĩra chuburiakau Dachi Akõreba ichiaruud̶e kĩra chuburiabai. Maud̶e chi waabenarã kĩra chuburiabadau biꞌia nuread̶ai.

Santiago 2:22

Bichiba kuitaa b̶uu Abrahamba maka wausii, biawãra Dachi Akõred̶e ijãasiid̶eeba. Maud̶e maka wausiid̶eeba unubisii Dachi Akõred̶e biawãra ijãa b̶uu.

2 Pedro 2:9

Mauba unubi b̶uu Dachi Mechiuba chi jipa wau nuree ãrea biꞌiwãe panuud̶ebena kariba kuitaa b̶uu. Maud̶e kuitaa b̶uu chi jipa wauwẽa nuree saka uru b̶uai ab̶a ichiba kastikai ewarid̶aa.

2 Pedro 3:7

Ara mau kĩra Dachi Akõre bed̶eaba nau iujãa maud̶e bajãa nu uru b̶uu maud̶e ichiba kastikai ewarid̶e tʉbʉchiad̶e baai. Mau ewarid̶e chi ichi kʉ̃riad̶akaurã nebʉra ichiaped̶a joma kastikai.

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.

1 Juan 2:5

Maamina chi Dachi Akõre bed̶ea wau b̶uuba Dachi Akõre biawãra kʉ̃ria b̶uu. Chi Dachi Akõre ome b̶uu a b̶uu Jesucristo nibad̶a kĩra nibai b̶uu. Dachi maka nibaaduubʉrã, kuitaa panuu biawãra ichi ome panuu.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

1 Juan 3:3

Chi Cristo kĩra b̶uai baita esed̶au b̶uu kachiruaswãe b̶uai baita nu b̶uabarii, Cristo kachiruaswãe nii kĩra.

1 Juan 3:7

Mʉ warrarã, ab̶aumaa ida setaa kũruabiarã́sturu. Chi jipa wau b̶uu Dachi Akõre daad̶e jipa nii, Cristo jipa nii kĩra.

1 Juan 4:12

Ab̶au bid̶a Dachi Akõre dauba unukau. Maamina dachi chiya kʉ̃ria panuubʉrã, Dachi Akõre dachi ome b̶uu maud̶e ichi kʉ̃riad̶eeba dachiba biawãra joma kʉ̃ria panuu.