1 Juan 4:11 - Emberá Chamí

¹¹ Ãbarã, Dachi Akõreba dachi maka kʉ̃riasiid̶eeba dachi sid̶a chiya kʉ̃ria nuread̶ai panuu.

1 Juan 4:11 Iomraidhean Croise

Lucas 10:37

Maud̶e chi Moisesba b̶ʉd̶a jaradeabariiba panausii: —Chi kĩra chuburiad̶aba. Jesusba maumaa jarasii: —Ara mau kĩra waabenarã kʉ̃riáse.

Juan 13:34

»Mʉʉba waubi b̶uu bed̶ea wid̶i machimaa jaraaruu: ãrea kʉ̃ria nureásturu. Mʉʉba machi ãrea kʉ̃ria b̶uu kĩra machi sid̶a arab̶aud̶e chiya kʉ̃riásturu.

Efesios 4:31

Machiba joma ab̶au ʉ̃rʉbena sõd̶e kachirua kʉ̃risiabadau, sõd̶eeba kĩrubadau, oa kachirua berreabadau, kĩrud̶eeba berreabadau, waabenarã ʉ̃rʉbena setaa jarabadau maud̶e waabenarã kachirua waud̶ai kʉ̃risiabadau joma ida b̶ústuru.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

1 Juan 2:7

Ãbarã, mʉʉba machi baita b̶ʉwẽa b̶uu chi Dachi Akõreba waubi b̶uu bed̶ea wid̶i, maumaarã b̶ʉ b̶uu ichiba chi naed̶e waubi b̶uu bed̶ea jarad̶a. Mau waubi b̶uu bed̶ea machiba Cristod̶e ijãaped̶aad̶ad̶eed̶ebena kuitaa panuu. Mau nabẽraed̶ebena bed̶ea chi ichid̶ebena ũriped̶aad̶abʉ.

1 Juan 3:11

Chi machiba ijãasid̶aud̶eed̶ebena ũri panuu bed̶ea naubʉ: dachi chiya kʉ̃ria nuread̶ai panuu.

1 Juan 3:23

Mau waubi b̶uu bed̶ea naubʉ: ichi Warr Jesucristod̶e ijãad̶ai maud̶e chiya kʉ̃ria nuread̶ai ichiba dachimaa jarad̶a kĩra.

1 Juan 4:7

Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

2 Juan 1:5

Neekau, mʉʉba chi chuburia id̶imaa b̶uu dachi chiya kʉ̃riad̶amera. Dachi Akõreba waubi b̶uu bed̶ea wid̶iwãebʉ, maumaarã mau dachiba arab̶aed̶eed̶e ũri panasid̶au.