1 Juan 3:9 - Emberá Chamí

⁹ Chi Dachi Akõre wãwa adaud̶a kĩra niiba kachirua waukau, Dachi Akõre chokae nibabiabarii ichid̶e b̶eebariid̶eeba. Dachi Akõred̶ebena neesiid̶eeba kachirua poyaa wau b̶uakau.

1 Juan 3:9 Iomraidhean Croise

Mateo 7:18

Bakuru biaba nejõo kachirua chaukau maud̶e bakuru kachiruaba nejõo bia chaukau.

Juan 1:13

Ãchi Dachi Akõre warrarã bad̶aabasii ãchi naweba adaud̶ad̶eeba maebʉrã ẽbẽrarãba kʉ̃ria panad̶ad̶eeba. Maumaarã Dachi Akõréburu ichi warrarã babiasii.

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Hechos 4:20

Chi daiba unuped̶aad̶a maud̶e ũriped̶aad̶a jarad̶ai poyaa ida b̶ud̶aabai.

Romanos 6:2

¡Biawãra maka waud̶aabai panuu! Dachi kachiruad̶eeba biusid̶au. Maud̶eeba ¿saka kachiruad̶e nibad̶aima?

Gálatas 5:17

Nau kakuaba kachirua wau kʉ̃ria b̶uu Dachi Akõre Jauriba kʉ̃riakau. Maud̶e Dachi Akõre Jauriba waubii kʉ̃ria b̶uu nau kakuaba kʉ̃riakau. Mau ãbua biꞌia panad̶akaud̶eeba machiba wau kʉ̃ria panuu poyaa waud̶aabai.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

1 Pedro 1:23

Nau kakua biui b̶uud̶eeba machi chiwid̶i naweba waya adaud̶aabasii, maumaarã Dachi Akõre biukau niid̶eeba chiwid̶i adausid̶au. Dachi Akõre bed̶ea wãꞌãekauba chokae b̶uai deabarii. Mau bed̶ead̶eeba machi chiwid̶i wãwa kĩra adausid̶au.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

1 Juan 3:6

Chi ichi ome ãbua b̶uuba kachirua waukau. Maamina chi kachirua wau b̶uuba Jesucristo unukau maud̶e saka nii adua b̶uu.

1 Juan 4:7

Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

1 Juan 5:18

Dachiba kuitaa panuu Dachi Akõre warrarãba kachirua wau panad̶akau, Dachi Akõre Warr Jesucristoba ãchi nu ua b̶uud̶eeba. Mauba jʉbawãe niiba ãchi kachirua poyaa waukau.

1 Juan 5:4

Joma Dachi Akõre warrarãba nau iujãad̶ebena kachirua ida b̶ubadau. Biawãra dachiba Jesucristod̶e ijãa panuud̶eeba mau poyaa ida b̶ud̶ai.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.