1 Juan 3:7 - Emberá Chamí

⁷ Mʉ warrarã, ab̶aumaa ida setaa kũruabiarã́sturu. Chi jipa wau b̶uu Dachi Akõre daad̶e jipa nii, Cristo jipa nii kĩra.

1 Juan 3:7 Iomraidhean Croise

Mateo 5:20

Mʉʉba biawãra jaraaruu: Moisesba b̶ʉd̶a jaradeabadaurãba wau panuu kãyabãra maud̶e fariseorãba wau panuu kãyabãra machiba jipa waud̶aabasiibʉrã, Bajãad̶e B̶uuba machi ichi juad̶e ua b̶uabai.

Lucas 1:75

Dachi chokae panuumisa ichi daad̶e biꞌia jipa nibad̶ai».

Hechos 10:35

Maumaarã puuruchabena ichi wapeaba jipa wau nuree biꞌia unubarii.

Romanos 2:13

Moisesba b̶ʉd̶a ũri panuud̶eeba ẽbẽrarã Dachi Akõre daad̶e jipa nuread̶aabai, maumaarã mau joma wau panuud̶eeba Dachi Akõreba maarã nebʉraswãe nuree ai.

1 Corintios 6:9

¿Machiba adua panuka chi kachirua waubadau Dachi Akõre juad̶e panad̶aabai, ichid̶irã baara? ¡Ara machi du ab̶a setaa kũruarã́sturu! Chi kakuaba barikiu kachirua waubadaurã, Dachi Akõre kuenda juaba ne kaped̶aad̶a kĩraare ʉtaa id̶i nuree, junebena ome kãi topaneebadaurã, mukĩra wẽra kĩra nuree, mukĩra ab̶aarakau mukĩra ome panabadaurã, nechiruabadaurã, chi nejarra kʉ̃riabadaurã, itua biu nibabadaurã, setad̶eeba waabena ʉ̃rʉbena kachirua jarabadaurã maud̶e waabena setaa kũruabadaurã Dachi Akõre puurud̶e panad̶aabai.

Efesios 5:6

Ab̶a bid̶a setad̶eeba kachirua waud̶ai panuu aaruubʉrã, ida setaa kũruabirã́sturu. Kachirua wau panuu baita Dachi Akõreba chi ichi bed̶ea ijãawẽa nuree kastikai.

Efesios 5:9

Ʉ̃d̶aad̶e nibaaruubʉrã sõbia nuread̶ai, jipa waud̶ai maud̶e biawãrad̶eeba nibad̶ai.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Hebreos 1:8

Maamina ichi Warr ʉ̃rʉbenáturu Dachi Akõreba naka jarasii: «Dachi Akõre, bichi ewaricha jomaurã rey b̶uai. Bichi puuru jipa ua b̶uai.

Hebreos 7:2

Maabae Abrahamba chi maarã juakaa adaud̶ad̶ebena Melquisedecmaa deasii. 10 juasiiruud̶ebena ab̶a deasii. Melquisedec trʉ̃ jara b̶uu «ẽbẽrarã rey jipa nii». Maud̶e ichi «Salemd̶ebena rey» abachid̶au. Mau trʉ̃ jara b̶uu «jirukaraayuwãe b̶uai rey».

Santiago 1:22

Dachi Akõre bed̶ea jara b̶uu kĩra wau panásturu. Ab̶aburu ũriiduu panarã́sturu. Maka nureebʉrã, ara machi du ab̶a setaa kũrua nuread̶ai.

Santiago 2:19

Bichiba ijãa b̶uu Dachi Akõre ab̶aburu nii. ¡Ãrea biꞌia b̶uu! Jai kachiruarã bid̶a maka ijãa panuu, maamina Dachi Akõre wapeaba uribadau.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.

1 Juan 2:26

Mʉʉba mau b̶ʉsii waabenarãba machi setaa kʉ̃ria panuud̶eeba.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

1 Juan 3:18

Mʉ warrarã, dachi ãbarã kʉ̃riad̶ai panuu. Bed̶ead̶éburu maka waud̶aabai panuu, maumaarã dachiba wau panuud̶eeba biawãra kʉ̃riad̶ai panuu.

1 Juan 3:3

Chi Cristo kĩra b̶uai baita esed̶au b̶uu kachiruaswãe b̶uai baita nu b̶uabarii, Cristo kachiruaswãe nii kĩra.

1 Juan 4:17

Maka dachiba Dachi Akõre maud̶e joma ẽbẽrarã biawãra kʉ̃ria panuu. Dachi Akõreba dachi nebʉra kastikai ewarid̶e dachi ne wapeawẽa nuread̶ai, nau iujãad̶e Jesucristo nibad̶a kĩra nibaped̶aad̶ad̶eeba.