1 Juan 3:5 - Emberá Chamí

⁵ Maamina machiba kuitaa panuu Jesucristo nau iujãad̶aa neesii dachi kachirua awara b̶ui baita. Ichi chi kachirua b̶aꞌãra bid̶a wãꞌãe nii.

1 Juan 3:5 Iomraidhean Croise

Mateo 1:21

Mariaba warr ab̶a adaui. Mau warrba ichi puuru ãchi kachiruad̶ebena karibakuai. Maud̶eeba mau trʉ̃ Jesús b̶use».

Lucas 23:41

Dachi ome naka biud̶ai panuu, kachirua wausid̶aud̶eeba. Maamina nau ẽbẽraba ¿kãare kachirua wausma?

Lucas 23:47

Mau unusiid̶e kokoroarã jaradea ua b̶uabarii aria b̶uuba Dachi Akõremaa naka biꞌia jarasii: —Biawãra nau mukĩra jipa nibasii.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Juan 1:31

Naed̶e mʉʉba adua b̶uasii jãu Jesús basii. Maamina Israeld̶ebenarã mʉʉba baniaba boro eakua b̶uu kuitaad̶amera kai Dachi Akõreba bʉid̶a».

Juan 14:30

»Mʉ machi baara ãrea berreawẽe, nau iujãad̶ebena rey neeruud̶eeba. Mauba mʉ ome poyaakau.

Juan 8:46

¿Kai machid̶ebenaba mʉʉba biawãra kachirua wau b̶uu aima? Mʉʉba biawãra bed̶ea jaraaruubʉrã, ¿sakãe mʉ bed̶ea ijãad̶awẽa panuma?

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

1 Timoteo 1:15

Nau bed̶ea biawãrad̶eeba jomaurãba mau ijãad̶ai panuu: Jesucristo nau druad̶aa neesii kachirua waubadaurã karibai baita. Maarãd̶ebena mʉ chi aude kachirua b̶uasii.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Hebreos 9:26

Maka b̶uad̶a basirã nau iujãa wausiid̶eed̶ebena waitaa Cristo b̶es ãrea biui basii. Maamina nau kaad̶ebena ewarid̶e neeped̶a ichi ida beabisii. B̶es ab̶a maka waud̶aba dachiba kachirua wauped̶aad̶a joma awara b̶usii.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

1 Pedro 1:18

Naed̶e machi chi kʉ̃risia biawãed̶e nibabachid̶au machi nabẽraed̶ebenarãba maka jaradeabachid̶aud̶eeba. Maamina kuitaa panuu Dachi Akõreba machi maud̶ebena karibasii. Ichiba machi nedoobasii nee ãrea b̶uakauba maebʉrã parata ãrea b̶uakauba, maumaarã Cristo oa chi nejarr ãrea id̶ibadauba nedosii. Cristo chi bibuara nii oeja cheke Dachi Akõremaa baa dead̶a kĩra b̶uasii.

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.

1 Pedro 2:22

Cristoba kachirua wauka basii maud̶e setaa jaraka basii.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Juan 1:2

Mau chokae nibabiabarii Dachi Akõreba nau iujãad̶e unubiasii. Daiba mau unusid̶aud̶eeba mau ʉ̃rʉbena biawãra berrea panuu. Daiba machimaa jara panuu mau chi ewaricha chokae nibabiabarii. Arab̶aed̶eed̶e ichi Akõre ome bajãad̶e b̶uabachii. Mau bajãad̶e b̶uad̶a Dachi Akõreba daimaa nau iujãad̶e unubiasii.

1 Juan 1:7

Maamina ichi ʉ̃d̶aad̶e b̶uu kĩra dachi sid̶a ʉ̃d̶aad̶e nibaaduubʉrã, ãbarã ome ãbua biꞌia panad̶ai. Maud̶e ichi Warr Jesucristo oa ched̶aba dachi kachirua joma jeraabarii.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.

1 Juan 2:2

Ichi biusii Dachi Akõreba dachi kachirua perdonamera. Dachi kachirua báitaburu biubasii, maumaarã biusii joma nau iujãad̶e panuurã kachirua baita bid̶a.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

1 Juan 3:8

Maamina chi kachirua wau b̶uu jʉbawãe niid̶ebʉ, arab̶aed̶eed̶e jʉbawãe nii kachirua wau b̶uabariid̶eeba. Dachi Akõre Warr nau iujãad̶aa neesii jʉbawãe niiba wau b̶uu poyaai baita.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.