1 Juan 3:2 - Emberá Chamí

² Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

1 Juan 3:2 Iomraidhean Croise

Mateo 5:8

Biꞌia panuu sõd̶eeba Dachi Akõre báitaburu nuree, Dachi Akõre unud̶aid̶eeba.

Lucas 17:30

»Mʉ, chi Ẽbẽra Ba B̶uad̶a neei ewarid̶e ara mau kĩra makai.

Lucas 20:36

Makaa biud̶aabai. Ãchi Dachi Akõre angelerã kĩra paneed̶ai. Maarã Dachi Akõre warrarãbʉ, chokae jiradud̶aid̶eeba.

Juan 1:12

Maamina chi ichi irsibiped̶aad̶arãba ichid̶e ijãasid̶au. Maud̶eeba ichiba maarã b̶usii Dachi Akõre warrarã nuread̶amera.

Juan 11:52

Maamina ab̶aburu judiorã baita biubai basii, maumaarã joma Dachi Akõre warrarã nau iujãad̶e drua didiwaraacha nuree, ara puuru ab̶aud̶e duanui baita.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Romanos 8:16

Dachi sõd̶e Dachi Akõre Jauriba kuitaabia b̶uu biawãra Dachi Akõre warrarã.

Romanos 8:18

Mʉʉmaarã, chi nau id̶ibaebena dachi ãrea biꞌiwãe panuu b̶aꞌãra b̶uu, chi kaad̶ebena ewarid̶e Dachi Akõreba dachi biꞌia duanui audeara.

Romanos 8:19

Joma Dachi Akõreba waukuad̶aba esed̶au b̶uu ichi warrarã biꞌia paneeduu isa unubimera,

Romanos 8:29

Mau maka b̶uu ichiba naed̶e kuitaa b̶uasiid̶eeba kairã ichid̶irã bai. Ãchi b̶usii ichi Warr Jesús kĩra nuread̶amera. Maka ichi Warr ãbarã ãrea panuud̶ebena, mau chi nabenabʉ.

1 Corintios 13:12

Ʉ̃raud̶e dachiba Dachi Akõred̶ebena tõroroa kĩra unu panuu chi kĩra ichiabadaud̶e. Maamina ewari ab̶ad̶e dachiba joma ʉ̃d̶aa unud̶ai mau saka b̶uu. Ʉ̃raud̶e mʉʉba b̶aꞌãraburu kuitaa b̶uu, maamina ewari ab̶ad̶e joma kuitaai Dachi Akõreba mʉ ʉ̃rʉbena kuitaa b̶uu kĩra.

1 Corintios 15:49

Dachi chi nabena mukĩra ioro waud̶a kĩra nuree maud̶e bajãad̶ebena need̶a ẽbẽra Cristo kĩra panad̶ai.

1 Corintios 2:9

Maamina kuitaad̶aabasii Dachi Akõre bed̶ead̶e naka b̶ʉ kub̶uu kĩra: «Chi Dachi Akõreba ichi kʉ̃ria nuree baita biꞌia wauped̶a uru b̶uu, ab̶au bid̶a wabid̶a unud̶akau, kʉʉrʉba ũrid̶akau maud̶e ne ab̶a bid̶a kuitaa kʉ̃risiad̶akau».

2 Corintios 3:18

Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

2 Corintios 4:17

Dai ʉ̃raud̶e ãrea biꞌiwãe paneebadamina, mauba dai aid̶a b̶uu, maad̶akare chi Dachi Akõre kĩrawãread̶e ewaricha panad̶ai baita. Mau kĩrawãrea aude bibuara b̶uai chi id̶ibae b̶aꞌãra biꞌiwãe paneebadau audeara.

Gálatas 3:26

Jesucristo ijãa panuud̶eeba joma machi Dachi Akõre warrarãbʉ.

Gálatas 4:6

Machi Dachi Akõre warrarãd̶eeba ichi Warr Jauri bʉisii machi sõd̶e b̶uamera. Ichi Jauri dachi sõd̶e b̶uuba «¡Mʉ Chacha!» abarii kuitaad̶amera dachi Ichi warrarãbʉ.

Filipenses 3:21

Ichi neeruud̶e chi kakua biui b̶uu ãyaa waui. Maud̶e ichi kakua kĩra ãrea biꞌia b̶eei. Ichi poyaabariid̶eeba maka waui. Mau poyaabariid̶eeba ichiba ne joma poyaai.

Colosenses 3:4

Machi Cristod̶eeba chokae panuud̶eeba, ichi waya unubiiruud̶e machi ichi ome panad̶ai. Maud̶e ara ichi kĩra, kĩrawãrea panad̶ai.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.

1 Juan 2:7

Ãbarã, mʉʉba machi baita b̶ʉwẽa b̶uu chi Dachi Akõreba waubi b̶uu bed̶ea wid̶i, maumaarã b̶ʉ b̶uu ichiba chi naed̶e waubi b̶uu bed̶ea jarad̶a. Mau waubi b̶uu bed̶ea machiba Cristod̶e ijãaped̶aad̶ad̶eed̶ebena kuitaa panuu. Mau nabẽraed̶ebena bed̶ea chi ichid̶ebena ũriped̶aad̶abʉ.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

1 Juan 3:10

Naud̶eeba dachiba kuitaa panuu kairã Dachi Akõre warrarã maud̶e kairã jʉbawãe nii warrarã. Chi jipa wauwẽa b̶uu Dachi Akõre warrwãe. Maud̶e chi ichi ãba kʉ̃riawẽa b̶uu Dachi Akõre warrwãe.

1 Juan 3:21

Ãbarã, dachi nebʉraswãe panuu a kʉ̃risia panuubʉrã, wapeawẽa Dachi Akõremaa poyaa ʉtaa id̶id̶ai.

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

Apocalipsis 2:28

Mʉʉba maarãmaa chi ewarimaabena pusterrea deai.

Apocalipsis 22:4

Ichi kĩedarr unud̶ai maud̶e ichi trʉ̃ ãchi daub̶ʉʉrʉd̶e b̶ʉ uru nuread̶ai.