1 Juan 3:11 - Emberá Chamí

¹¹ Chi machiba ijãasid̶aud̶eed̶ebena ũri panuu bed̶ea naubʉ: dachi chiya kʉ̃ria nuread̶ai panuu.

1 Juan 3:11 Iomraidhean Croise

Juan 13:4

Maamina ãchi kewaraa komaa panuud̶e jiraduped̶a ichiba anab̶ari jʉ̃barii ẽesii. Maabae kakua poabarii adauped̶a kʉrrd̶e jʉ̃sii.

Juan 15:12

Mʉʉba waubi b̶uu bed̶ea naubʉ: machi chiya ãrea kʉ̃riásturu mʉʉba machi ãrea kʉ̃ria b̶uu kĩra.

Gálatas 6:2

Nebʉrad̶e panuud̶e chiya aid̶ásturu. Maka Cristoba waubi b̶uu machiba joma waud̶ai.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

1 Tesalonicenses 4:9

Mau awara machi saka ãbarã ome chiya kʉ̃riad̶ai panuu ʉ̃rʉbena, mʉʉba nau kartad̶e ¿kãare b̶ʉima? Ara Dachi Akõréburu machimaa mau jaradeasii.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.

1 Pedro 4:8

Ãrea chiya kʉ̃ria panásturu. Mau jomad̶ebena audeara bibuara b̶uu. Chi waabenarã kʉ̃ria uru b̶uuba ãchi kachirua ãrea kʉde uru b̶uad̶a ida b̶ubarii.

1 Juan 1:5

Daiba Jesucristod̶eeba ũriped̶aad̶a machimaa jara panuu naubʉ: Dachi Akõre ʉ̃d̶aa kĩra nii ne jomad̶e jipa niid̶eeba. Mauba ichid̶e pãriu ab̶a bid̶a wãꞌãe.

1 Juan 4:11

Ãbarã, Dachi Akõreba dachi maka kʉ̃riasiid̶eeba dachi sid̶a chiya kʉ̃ria nuread̶ai panuu.

1 Juan 4:21

Jesucristoba dachimaa waubi b̶uu bed̶ea naubʉ: chi Dachi Akõre kʉ̃ria b̶uuba ichi ãba kʉ̃ria b̶uai b̶uu.

1 Juan 4:7

Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

2 Juan 1:5

Neekau, mʉʉba chi chuburia id̶imaa b̶uu dachi chiya kʉ̃riad̶amera. Dachi Akõreba waubi b̶uu bed̶ea wid̶iwãebʉ, maumaarã mau dachiba arab̶aed̶eed̶e ũri panasid̶au.