1 Juan 3:10 - Emberá Chamí

¹⁰ Naud̶eeba dachiba kuitaa panuu kairã Dachi Akõre warrarã maud̶e kairã jʉbawãe nii warrarã. Chi jipa wauwẽa b̶uu Dachi Akõre warrwãe. Maud̶e chi ichi ãba kʉ̃riawẽa b̶uu Dachi Akõre warrwãe.

1 Juan 3:10 Iomraidhean Croise

Mateo 13:38

Ne uu nub̶uu nau druabʉ. Chi netaa bia Bajãad̶e B̶uuba ichid̶irã ichi juad̶e ua b̶uud̶ebena ẽbẽrarãbʉ. Sirua kachirua, chi miadaa aude mechiu niid̶ebʉ.

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Juan 1:12

Maamina chi ichi irsibiped̶aad̶arãba ichid̶e ijãasid̶au. Maud̶eeba ichiba maarã b̶usii Dachi Akõre warrarã nuread̶amera.

Juan 11:52

Maamina ab̶aburu judiorã baita biubai basii, maumaarã joma Dachi Akõre warrarã nau iujãad̶e drua didiwaraacha nuree, ara puuru ab̶aud̶e duanui baita.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

Juan 8:47

Chi Dachi Akõred̶e ijãa b̶uuba ichi bed̶ea ũribarii maamina machi Dachi Akõre warrarãwãed̶eeba ichi bed̶ead̶e jara b̶uu kĩra waud̶akau.

Hechos 13:10

—Jʉbawãe nii warr, ¡bichiba ne joma jipa b̶uu kʉ̃riakau! ¡Kachirua waui baita b̶uabarii maud̶e setaa jarabarii! ¿Sakãe ara bichiba Dachi Mechiu biawãra bed̶ea seta a b̶uma?

Romanos 13:8

Machiba chi dead̶ai panuu uru panuubʉrã, waya dead̶awẽa panarã́sturu. Ab̶aburu chiya kʉ̃ria panásturu. Chi waabenarã kʉ̃ria b̶uuba joma Moisesba b̶ʉd̶a wau b̶uu.

Efesios 5:1

Dachi Akõreba ichi warrarã ãrea kʉ̃ria b̶uu. Maud̶eeba machi ichi kĩra nureásturu.

Colosenses 3:14

Mau awara waabenarã kʉ̃ria duanásturu. Maka machi jomaurã ome ãbua biꞌia duanad̶ai.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

1 Juan 4:21

Jesucristoba dachimaa waubi b̶uu bed̶ea naubʉ: chi Dachi Akõre kʉ̃ria b̶uuba ichi ãba kʉ̃ria b̶uai b̶uu.

1 Juan 4:6

Maamina Dachi Akõred̶ebʉ. Chi Dachi Akõre unu b̶uuba dachiba jaradea panuu ijãabarii. Chi Dachi Akõre unukauba dachiba jaradea panuu ijãakau. Maud̶eeba dachiba kuitaa panuu kaiba Dachi Akõre Jaurid̶eeba biawãra bed̶ea jaradea b̶uu maud̶e kaiba setad̶ebena jaurid̶eeba setaa jaradea b̶uu.

1 Juan 4:8

Dachi Akõreba ne jomad̶e kʉ̃riakua b̶uud̶eeba chi ab̶au kʉ̃riawẽa b̶uuba Dachi Akõre unukau.

1 Juan 5:19

Dachiba kuitaa panuu dachi Dachi Akõred̶e. Maud̶e kuitaa panuu joma nau iujãad̶e Dachi Akõred̶e ijãad̶akaurã jʉbawãe nii juad̶e duanuu.

1 Juan 5:2

Dachiba Dachi Akõre kʉ̃ria panuubʉrã maud̶e ichiba waubi b̶uu bed̶ea wau panuubʉrã, kuitaa panuu ichi warrarã sid̶a kʉ̃ria panuu.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.