1 Juan 3:1 - Emberá Chamí

¹ Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

1 Juan 3:1 Iomraidhean Croise

Lucas 20:36

Makaa biud̶aabai. Ãchi Dachi Akõre angelerã kĩra paneed̶ai. Maarã Dachi Akõre warrarãbʉ, chokae jiradud̶aid̶eeba.

Juan 1:12

Maamina chi ichi irsibiped̶aad̶arãba ichid̶e ijãasid̶au. Maud̶eeba ichiba maarã b̶usii Dachi Akõre warrarã nuread̶amera.

Juan 11:52

Maamina ab̶aburu judiorã baita biubai basii, maumaarã joma Dachi Akõre warrarã nau iujãad̶e drua didiwaraacha nuree, ara puuru ab̶aud̶e duanui baita.

Juan 15:21

Machi mʉ kakua maka waud̶ai ãchiba chi mʉ Bʉid̶a adua panuud̶eeba.

Juan 16:3

Maka waud̶ai mʉ Chacha maud̶e mʉ unud̶akaud̶eeba.

Juan 17:25

Chacha, bichi jipa nii. Nau iujãad̶ebenarãba bichi unud̶akau, maamina mʉʉba bichi unubarii. Maud̶e cha duanuu bid̶a kuitaa panuu bichiba mʉ bʉisii.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Romanos 5:8

Maamina Dachi Akõreba dachi ãrea kʉ̃ria b̶uu unubiasii wabid̶a kachiruad̶e panuud̶e Cristo dachi kakua biusiid̶eeba.

Romanos 8:19

Joma Dachi Akõreba waukuad̶aba esed̶au b̶uu ichi warrarã biꞌia paneeduu isa unubimera,

Romanos 8:21

Dachi Akõreba mau biꞌia b̶umera ichi warrarã biꞌia b̶ui kĩra. Chi chibari baita bari trajabarii ena b̶uu kĩra, chi Dachi Akõreba waud̶a makaa b̶eraabai.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

2 Corintios 6:18

Mʉ machi akõre bai. Machi mʉ warrarã nuread̶ai maud̶e mʉ kaurã nuread̶ai. Dachi Mechiu Joma Poyaabariiba maka jara b̶uu».

Gálatas 3:26

Jesucristo ijãa panuud̶eeba joma machi Dachi Akõre warrarãbʉ.

Gálatas 3:29

Machi Cristod̶ed̶eeba biawãra Abraham warrarãbʉ. Mauba Dachi Akõreba machi karibasii ichiba Abrahammaa dachi karibai asiid̶eeba.

Colosenses 3:3

Maka nibad̶ai panuu, Cristo ome biud̶akare ichi ome chokae panuud̶eeba. Mau waabenarã ẽbẽrarãba kuitaad̶akau. Maamina Cristo Dachi Akõre ome chokae b̶uud̶eeba, machi sid̶a Dachi Akõre ome chokae panuu.

1 Juan 3:10

Naud̶eeba dachiba kuitaa panuu kairã Dachi Akõre warrarã maud̶e kairã jʉbawãe nii warrarã. Chi jipa wauwẽa b̶uu Dachi Akõre warrwãe. Maud̶e chi ichi ãba kʉ̃riawẽa b̶uu Dachi Akõre warrwãe.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

1 Juan 4:17

Maka dachiba Dachi Akõre maud̶e joma ẽbẽrarã biawãra kʉ̃ria panuu. Dachi Akõreba dachi nebʉra kastikai ewarid̶e dachi ne wapeawẽa nuread̶ai, nau iujãad̶e Jesucristo nibad̶a kĩra nibaped̶aad̶ad̶eeba.

Apocalipsis 21:7

Chi kachirua waud̶ai poyaaped̶aad̶arãba joma nau adoed̶ai, warrba chi akõreba uru b̶uud̶ebena adaubarii kĩra. Mʉ ãchi Dachi Akõre bai maud̶e mʉ warrarã nuread̶ai.