1 Juan 2:13 - Emberá Chamí

¹³ Chõrarã, mʉʉba nau karta machi baita b̶ʉ b̶uu chi arab̶aed̶eed̶e nibad̶a wabid̶a nii, mau unubadaud̶eeba. Kũudrãarã, mʉʉba nau karta machi baita b̶ʉ b̶uu jʉbawãe nii poyaasid̶aud̶eeba. Warrarã, mʉʉba nau karta machi baita b̶ʉ b̶uu Dachi Bajãad̶ebena Akõre unusid̶aud̶eeba.

1 Juan 2:13 Iomraidhean Croise

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Mateo 13:19

Netaa od̶e pod̶aba nau jara b̶uu: Bajãad̶e B̶uuba ichid̶irã ichi juad̶e ua b̶uu ʉ̃rʉbena ab̶a bid̶a ũriped̶a kuitaawẽebʉrã, jʉbawãe niiba mau bed̶ea ichi sõd̶e need̶a kʉde b̶eebikau ijãarãamera.

Mateo 13:38

Ne uu nub̶uu nau druabʉ. Chi netaa bia Bajãad̶e B̶uuba ichid̶irã ichi juad̶e ua b̶uud̶ebena ẽbẽrarãbʉ. Sirua kachirua, chi miadaa aude mechiu niid̶ebʉ.

Mateo 5:37

Machiba ne waud̶ai aaduubʉrã, wáusturu. Maud̶e waud̶aabai aaduubʉrã, waurã́sturu. Mau barikiu trʉ̃d̶eeba biawãra ne waui jaraaruu kachiruad̶ebena nee b̶uu.

Lucas 10:22

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai».

Juan 14:7

Machiba mʉ biawãra unu panuubʉrã, mʉ Chacha sid̶a unu panuu. Jãabae machiba ichi kuitaa panuu unu panuud̶eeba.

Juan 14:9

Maud̶e Jesusba jarasii: —Felipe, mʉ ãrea baaruu machi baara b̶uu. Bichiba mʉ ¿wabid̶a unuwẽa b̶uka? Chi mʉ unubariiba mʉ Chacha sid̶a unubarii. Bichiba ¿saka jara b̶uu “Dachi Akõre daimaa unubiáse”?

Juan 16:3

Maka waud̶ai mʉ Chacha maud̶e mʉ unud̶akaud̶eeba.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Juan 17:21

Chacha, bichi mʉ ome b̶uud̶eeba maud̶e mʉ bichi ome b̶uud̶eeba mʉʉba id̶i b̶uu ãchi sid̶a dachi ome chi kakua ab̶a b̶uu kĩra nuread̶amera. Maka nau iujãad̶e nureeba ijãad̶ai bichiba mʉ bʉisii.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Juan 8:19

Maud̶e ãchiba Jesusmaa id̶isid̶au: —Maka b̶uubʉrã bichi akõre ¿sama b̶uma? Jesusba panausii: —Machiba mʉ unud̶akau maud̶e mʉ Chacha sid̶a unud̶akau. Machiba mʉ biawãra unubadau basirã, mʉ Chacha sid̶a unubadau bai basii.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

1 Timoteo 5:1

Chõrarã iadaarã́se, maumaarã bichi akõre ome berreabarii kĩra maarã ome sõbiad̶eeba berreáse ũrid̶amera. Kũudrãarãmaa berreáse bichi ãbarã ome berreabarii kĩra.

Tito 2:6

Kũudrãarãmaa jaradease kʉ̃risia biad̶eeba jipa nibad̶amera.

1 Juan 1:1

Arab̶aed̶eed̶e chi Chokae Nibabiabarii Bed̶ea abadau b̶uasii, maud̶e wabid̶a b̶uu. Mauba jaradead̶a daiba ũrisid̶au. Mau dai dauba unusid̶au maud̶e juaba wausid̶au. Mauba waud̶a kauwa ichiasid̶au. Mau ʉ̃rʉbena daiba nau kartad̶e b̶ʉmaa panuu.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.

1 Juan 2:12

Warrarã, mʉʉba nau karta machi baita b̶ʉ b̶uu Dachi Akõreba Cristod̶eeba machi kachirua perdonasiid̶eeba.

1 Juan 2:14

Akõrerã, mʉʉba nau karta machi baita b̶ʉ b̶uu chi arab̶aed̶eed̶e nibad̶a wabid̶a nii, mau unubadaud̶eeba. Kũudrãarã, mʉʉba nau karta machi baita b̶ʉ b̶uu ãrea ijãa panuud̶eeba, Dachi Akõre bed̶ea machi sõd̶e b̶uud̶eeba, maud̶e jʉbawãe nii poyaasid̶aud̶eeba.

1 Juan 3:12

Caín kĩra panad̶aabai panuu. Jʉbawãe niid̶e basiid̶eeba chi ãba beasii. ¿Sakãe ichi ãba beasma? Beasii ichi ãbaba wau b̶uad̶a Dachi Akõre daad̶e biꞌia b̶uasiid̶eeba maud̶e ichiba waud̶a kachirua b̶uasiid̶eeba.

1 Juan 4:4

Mʉ warrarã, machi Dachi Akõred̶ebʉ. Machiba maarãmaa ida setaa kũruabiad̶aabasii, chi machi sõd̶e b̶uu chi nau iujãad̶e b̶uu audeara poyaabarii b̶uud̶eeba.

1 Juan 5:18

Dachiba kuitaa panuu Dachi Akõre warrarãba kachirua wau panad̶akau, Dachi Akõre Warr Jesucristoba ãchi nu ua b̶uud̶eeba. Mauba jʉbawãe niiba ãchi kachirua poyaa waukau.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

Apocalipsis 12:11

Dachi ãbarãba Oeja Kaebe Nii oa ched̶aba maud̶e ichi bed̶ea jara panuud̶eeba poyaasid̶au. Dachi biud̶ai panuu ʉ̃rʉbena wapead̶aabasii, bari Cristo kakua biud̶ayua panasii.

Apocalipsis 2:7

Chi kʉʉrʉ bara niiba ũrise chi Jauriba ãbarãmaa jara b̶uu. Chi kachirua waud̶ai poyaa ida b̶uped̶aad̶amaa chi nejõo bakuru chokae nibabiabariid̶ebena koi ida kabii. Mau bakuru Dachi Akõre drua biad̶e nub̶uu.