1 Juan 1:6 - Emberá Chamí

⁶ Ichi ome ãbua biꞌia panuu aaduubʉrã, maamina pãriud̶e nibaaduubʉrã, setaa jara panuu. Biawãra bed̶ea ijãad̶awẽa panuu.

1 Juan 1:6 Iomraidhean Croise

Mateo 7:22

Ichiba kastikai ewarid̶e ãreaba mʉʉmaa jarad̶ai: “Dai mechiu, Dai mechiu, daiba bichi trʉ̃d̶eeba berreabadau, bichi trʉ̃d̶eeba chi jai kachirua nuree duabʉikasid̶au maud̶e bichi trʉ̃d̶eeba ne wausid̶au ẽbẽrarãba ãchid̶eeba poyaa waud̶akau”.

Juan 11:10

Maamina ẽsabud̶e nii jʉ̃rʉ drʉbarii, ʉ̃d̶aawãe b̶uud̶eeba.

Juan 12:35

Jesusba jarasii: —Nau ʉ̃d̶aa machi baara ãrea b̶uabai. Maud̶eeba ʉ̃d̶aad̶e nibásturu ichi machi baara b̶uumisa, pãriud̶e panad̶aabayua. Chi pãriud̶e nibabarii kawakau samaa wãaruu.

Juan 12:46

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Juan 8:55

Maamina ichi unud̶akau. Maud̶e mʉʉba ichi unubarii. Ichi unukau ad̶a basirã mʉ machi kĩra seta id̶aa nibai basii. Maamina mʉʉba ichi kuitaa b̶uud̶eeba ichi bed̶ea wau b̶uu.

1 Timoteo 4:2

Mau jai kachiruarãba jaradeabi panuu ẽbẽrarã chi jipa kĩra nureeba jaradeabadau. Kachirua waubadaud̶eeba mau ẽbẽrarãba adua nuree sãu chi bia maud̶e sãu chi kachirua.

Santiago 2:14

Ãbarã, ab̶auba Jesucristod̶e biawãra ijãa b̶uu aaruubʉrã, maamina biꞌia wauwẽa b̶uubʉrã, ¿mau aid̶ai b̶uka? ¿Mau biawãra karibai b̶uka?

Santiago 2:16

maud̶e ab̶a machid̶ebenaba ichimaa jaraaruubʉrã, «mʉʉba kʉ̃ria b̶uu bichi biꞌia wãi, paru jʉ̃i baita uru b̶uai maud̶e ãrea ko b̶uai», maamina ne ab̶a bid̶a deawẽebʉrã, ¿mau jarad̶a aid̶aika? Aid̶akau.

Santiago 2:18

Maamina ab̶auba naka jaraaruu: «Bichiba Jesucristod̶e ijãa b̶uu abarii maud̶e mʉʉba biꞌia waubarii». Mʉʉba nau jaraaruu: bichiba biꞌia wauwẽa unubise, Jesucristod̶e biawãra ijãa b̶uu. Maud̶e biꞌia wau b̶uud̶eeba mʉʉba unubii Jesucristod̶e biawãra ijãa b̶uu.

1 Juan 1:10

Kachirua waud̶akau aaduubʉrã, Dachi Akõre chi seta nii a panuu maud̶e ichi bed̶ea ijãad̶awẽa panuu.

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

1 Juan 1:8

Dachi kachiruaswãe panuu a panuubʉrã, ara dachi du ab̶a setaa jara panuu maud̶e biawãra bed̶ea adua panuu.

1 Juan 2:4

Ab̶auba jaraaruubʉrã: «Mʉʉba ichi unu b̶uu», maud̶e ichiba waubi b̶uu bed̶ea wauwẽa b̶uubʉrã, mauba setaa jara b̶uu. Chi biawãra bed̶ea adua b̶uu.

1 Juan 4:20

Ab̶auba Dachi Akõre kʉ̃ria b̶uu aaruubʉrã, maud̶e ichi ãba kĩramaa b̶uaruubʉrã, setaa jara b̶uu. Chi ãba unu b̶uu kʉ̃riawẽa b̶uubʉrã, ¿saka Dachi Akõre unuwẽa nii kʉ̃ria b̶uaima?