1 Corintios 8:9 - Emberá Chamí

⁹ Biawãra dachiba ko kʉ̃ria panuu poyaa kod̶ai panuu. Maamina kauwa panásturu machiba barikia kooduud̶eeba machi ãba mau ʉ̃rʉbena adua nii kachiruad̶e b̶aerãamera.

1 Corintios 8:9 Iomraidhean Croise

Mateo 18:10

»Warr chekerã kʉ̃riad̶ai ida b̶urã́sturu. Mʉʉba jaraaruu: angelerã mʉ Chacha daad̶e panuuba ãchi nubadau.

Romanos 15:1

Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

1 Corintios 10:24

Ab̶au bid̶a ara ichi biꞌia b̶uai jʉrʉ b̶uabai b̶uu, maumaarã waabenarã biꞌia nuread̶amera jʉrʉ b̶uai b̶uu.

1 Corintios 10:28

Maamina ab̶auba «nau kiuru Dachi Akõre kuenda juaba ne kaped̶aad̶amaa deaped̶aad̶a» aaruubʉrã, mau korã́se ichiba mau biꞌiwãe b̶uu a kʉ̃risiai b̶uud̶eeba.

1 Corintios 10:29

Mʉʉba jarawẽa b̶uu machiba mau kiuru kod̶akau panuu. Maumaarã mʉʉba jara b̶uu chi ab̶áuburu maka kʉ̃risia b̶uu. Ab̶auba naka kʉ̃risiai: Mʉʉba wau kʉ̃ria b̶uu wauruud̶e ab̶auba kachirua a kʉ̃risiaruubʉrã, ¿mau poyaa waukau b̶uka? ¿Mʉʉba wau kʉ̃ria b̶uu kĩra waubai b̶uka?

1 Corintios 10:32

Machiba wau panuud̶eeba judiorã, judiowãerã maud̶e ẽbẽrarã Dachi Akõred̶erã kachiruad̶e b̶aebirã́sturu.

1 Corintios 8:10

Bichi chi Dachi Akõre kuenda juaba ne kaped̶aad̶a ded̶e ko akʉ b̶eeruubʉrã, maud̶e chi ne joma koi b̶uu adua niiba bichi aria akʉ b̶uu unuuruubʉrã, ichia bid̶a Dachi Akõre kuenda juaba ne kaped̶aad̶arãmaa ãnimara kiuru baa dead̶a koi kʉ̃risiai. Maamina chi juaba ne kaped̶aad̶amaa ʉtaa id̶iiruu kʉ̃risia b̶uud̶eeba, ichimaarã mau kachirua wau b̶uu.

1 Corintios 8:12

Machiba mau adua nuree ãbarã kachiruad̶e b̶aebiaduud̶e Cristomaa kachirua wau panuu.

1 Corintios 9:22

Chi ãbarã chi biawãra bed̶ea ãrea adua nuree tãed̶e b̶uud̶e ãchi kĩra b̶uabarii mʉʉd̶eeba Jesucristo ʉ̃rʉbena biꞌia kuitaad̶amera. Mʉ wãaruucha ẽbẽrarã tãed̶e b̶uud̶e maarã kĩra b̶uabarii mʉʉd̶eeba waabenarãba Cristod̶e ijãad̶aped̶a mʉʉba maarã kachiruad̶ebena karibamera.

2 Corintios 11:21

Mʉʉba jaraaruu: mʉ machi tãed̶e b̶uasiid̶e, jãarã kĩra b̶uabasii. Machimaarã, mʉ maka chi poyaabariiswãe b̶uad̶a kakua, ¿nejasia b̶uai b̶uka? Ab̶auba ara ichi ʉ̃rʉbena poyaa biꞌia berrearuubʉrã, mʉa bid̶a ara mʉ ʉ̃rʉbena poyaa biꞌia kʉ̃riai. Maamina maka berrearuud̶e kʉ̃risiaswãe nii kĩra berreai b̶uu.

2 Corintios 11:29

Ab̶a ẽpermo b̶eeruubʉrã, mʉ sid̶a ẽpermo b̶eeruu kĩra b̶uabarii. Ab̶auba waabena ãba kachiruad̶e b̶aebiiruubʉrã, mʉ mau ẽbẽra ome kĩrubarii.

2 Corintios 6:3

Dai ʉ̃rʉbena ab̶aumaa kachirua unubid̶awẽa panuu, ab̶au bid̶a kachirua berrearãad̶amera daiba jaradeabadau ʉ̃rʉbena.

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

Colosenses 2:8

Kauwa panásturu ab̶auba machimaa setaa jararãamera, chi dachi aid̶akau biawãrawãe b̶uu kʉ̃risiabadaud̶eeba. Mau joma nabẽraed̶ebena kʉ̃risiabadau nau iujãad̶ebena jauri meserãa nureed̶ebenabʉ. Mau bed̶ea Cristod̶ebenawãebʉ.

1 Pedro 2:16

Machi jʉ̃ uru panad̶a kĩra b̶uud̶ebena Cristoba machi enakoasiid̶eeba, mau kĩra nibásturu. Maamina maka b̶usiid̶eeba kʉ̃risiarã́sturu kachirua waud̶ai panuu. Maumaarã Dachi Akõre baita bari trajabadaurã panásturu.

2 Pedro 2:19

Maarã jarabadau ijãaduubʉrã, biꞌia paneed̶ai abadau, chi chibari baita bari trajabarii ichi chibari juakaa miru wãaruu kĩra. Maamina kachirua poyaa ida b̶ud̶akaud̶eeba biꞌia paneebai. Mauba ãchi kachirua baita bari trajabadaurã babiai. Biawãra barikia kachirua poyaa ida b̶ud̶aabaibʉrã, dachi mau baita bari trajabadaurãbʉ.

Apocalipsis 2:14

Maamina mʉʉba nau miadaa unu b̶uu. Machid̶ebena chi nureeba Balaanba jaradead̶a ũri panuu. Balaanba Balacmaa jaradea b̶uasii israeld̶ebenarã kachiruad̶e saka b̶aebiai b̶uu. Mauba chi Dachi Akõre kuenda juaba ne kaped̶aad̶amaa baa deabadau kiuru kobiabachii maud̶e dachi kakuaba barikiu kachirua waubiabachii.