1 Corintios 8:4 - Emberá Chamí

⁴ Maud̶eeba Dachi Akõrerã kuenda juaba ne kaped̶aad̶arãmaa ãnimara kiuru baa dead̶a kobadau ʉ̃rʉbena mʉʉba jaraaruu. Dachiba kuitaa panuu juaba ne kaped̶aad̶a biawãrawãe. Maud̶e kuitaa panuu Dachi Akõre biawãra ab̶aburu nii.

1 Corintios 8:4 Iomraidhean Croise

Marcos 12:29

Jesusba panausii: —Dachi Akõreba waubi b̶uu bed̶ea ʉ̃rʉbena chi aude mechiu b̶uu naubʉ: “Ũrísturu, israeld̶ebenarã. Dachi Mechiu ab̶aburu nii.

Hechos 14:15

—Machiba, ¿sakãe jãka wau panuma? Dai biawãra ẽbẽrarãbʉ, machi kĩra. Machimaa jarad̶e nee panuu chi biawãe b̶ee ida b̶ud̶aped̶a Dachi Akõre chokae nii ijãad̶amera. Mau Dachi Akõreba bajãa, nau iujãa, mar maud̶e joma mamed̶a duanuu wausii.

Hechos 15:20

Maumaarã kartad̶e b̶ʉd̶ai panuu Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu.

Hechos 19:26

Maamina machiba unu panuu maud̶e ũri panuu jãu Pabloba Dachi Akõre kĩra nii juaba kaped̶aad̶a chi biawãrawãe abarii. Ichiba nau Efesod̶e maud̶e beraa joma Asia druad̶e maka jara nii. Maud̶eeba ãrea ẽbẽrarãba Artemisa ida b̶uuduu.

1 Corintios 8:1

Jãabae Dachi Akõre kuenda juaba ne kaped̶aad̶amaa ãnimara kiuru baa dead̶a ʉ̃rʉbena mʉʉba jaraaruu. Machiba jara panuu mau ʉ̃rʉbena kʉ̃risia kuitaa panuu. Maamina chi kʉ̃risia kuitaaba dachi waabenarã audeara biꞌia b̶uu kʉ̃risiabiabarii. Dachiba waabenarã kʉ̃ria panuud̶eeba waabenarã aid̶abadau.

1 Corintios 8:10

Bichi chi Dachi Akõre kuenda juaba ne kaped̶aad̶a ded̶e ko akʉ b̶eeruubʉrã, maud̶e chi ne joma koi b̶uu adua niiba bichi aria akʉ b̶uu unuuruubʉrã, ichia bid̶a Dachi Akõre kuenda juaba ne kaped̶aad̶arãmaa ãnimara kiuru baa dead̶a koi kʉ̃risiai. Maamina chi juaba ne kaped̶aad̶amaa ʉtaa id̶iiruu kʉ̃risia b̶uud̶eeba, ichimaarã mau kachirua wau b̶uu.

1 Corintios 8:11

Maka chi ne joma koi b̶uu kuitaa b̶uuba chi mau ʉ̃rʉbena chi ãrea adua nii ãba, chi mau Cristo biusii kakua ãba, ichid̶e ijãai ida b̶ubii.

Gálatas 4:8

Naed̶e machiba Dachi Akõre adua panasid̶aud̶e chi biawãra Dachi Akõrewãerã ijãa panasid̶au ãchi baita bari trajabadaurã kĩra.

Efesios 4:6

Dachi Akõre ara ab̶aburu nii. Ichi jomaurã Akõrebʉ, jomaurã Mechiubʉ. Jomaurã sõd̶e b̶uu maud̶e jomaurãd̶eeba ichiba wau kʉ̃ria b̶uu waubarii.

1 Timoteo 1:17

Dachi Akõre ewaricha jomaurã Reybʉ. Mau chi dachiba unud̶akau biukau. Ichíturu ab̶aburu nii. Ichíturu dachiba ewaricha biꞌia berread̶ai panuu maud̶e wapead̶ai panuu. Maka biꞌia b̶uase.

1 Timoteo 2:5

Dachi Akõre ab̶aburu nii. Maud̶e chi ẽbẽrarã Dachi Akõre ome nebʉrad̶e panad̶a mau biꞌia nibabiabarii ab̶aburu nii. Mau ẽbẽra Jesucristobʉ.

Judas 1:25

Dachi Akõre ab̶aburu nii. Ichi dachi karibabariibʉ. Ichi chi aude Mechiu nii, maud̶e joma poyaa waui b̶uu. Jomaurã chibaribʉ. Nabẽraed̶eed̶ebena maka nii. Id̶ibae bid̶a maka nii, maud̶e maka b̶uai. Dachi Akõremaa biꞌia berread̶ai panuu Dachi Mechiu Jesucristod̶eeba. ¡Biꞌia b̶uu maka b̶uai!