1 Corintios 8:1 - Emberá Chamí

¹ Jãabae Dachi Akõre kuenda juaba ne kaped̶aad̶amaa ãnimara kiuru baa dead̶a ʉ̃rʉbena mʉʉba jaraaruu. Machiba jara panuu mau ʉ̃rʉbena kʉ̃risia kuitaa panuu. Maamina chi kʉ̃risia kuitaaba dachi waabenarã audeara biꞌia b̶uu kʉ̃risiabiabarii. Dachiba waabenarã kʉ̃ria panuud̶eeba waabenarã aid̶abadau.

1 Corintios 8:1 Iomraidhean Croise

Hechos 15:10

Machiba ¿sakãe Dachi Akõreba kuitaabiad̶a ãyaa waud̶ai kʉ̃ria panuma? ¿Sakãe dachi maud̶e dachi nabẽraed̶ebenarãba poyaa waud̶aabad̶a ãchimaa waubiai kʉ̃ria panuma?

Hechos 15:29

Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu. Joma mau wauduubʉrã biꞌia panad̶ai. Biꞌia panásturu.

Hechos 21:25

Maamina judiowãerã Jesusd̶e ijãabadaurãba waud̶ai panuu daiba kuitaa jarad̶aped̶a kartad̶e b̶ʉsid̶au: Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu.

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

Romanos 12:16

Jomaurã ome biꞌia panásturu. Waabenarã audeara biꞌia nuree kʉ̃risiarã́sturu, maumaarã chi miichuburi nuree ome biꞌia panásturu. Kʉ̃risiarã́sturu machiba waabenarã audeara biꞌia kuitaa panuu.

Romanos 14:10

Mau kakua ¿sakãe bichi ãba jidea b̶uma? ¿Sakãe jãu kĩramaa b̶uma? Joma Dachi Akõre daad̶e panad̶ai dachicha wauped̶aad̶a ichiamera.

Romanos 14:14

Mʉ Dachi Mechiu Jesucristo ome b̶uud̶eeba biawãra kuitaa b̶uu ab̶a bid̶a chiko kachirua b̶uuwãe. Maamina ab̶auba barikia chiko koi kachirua kʉ̃risiaruubʉrã, ichiba mau koobai b̶uu.

Romanos 14:19

Maud̶eeba jʉrʉd̶ai panuu ãbarã ome jirukaraayuwãe nuread̶ai baita. Maka chiya aid̶a panad̶ai biꞌia ijãad̶ai baita.

Romanos 14:22

Bichiba ne joma koi b̶uu kʉ̃risia b̶uubʉrã, maebʉrã ne joma kokau kʉ̃risia b̶uubʉrã, ab̶a bichiaburu Dachi Akõre omeeba mau kuitaad̶ai panuu. Biawãra dachiba wau panuu kakua dachi sõd̶e kachirua kʉ̃risiad̶awẽebʉrã, ãrea kĩrajʉʉ panad̶ai.

Romanos 14:3

Maamina chi ne joma kobariiba chi ne joma kokau ida b̶uubai b̶uu. Maud̶e chi ne joma kokauba ne joma kobariimaa kachirua jaraabai b̶uu, Dachi Akõreba omea biꞌia irsibisiid̶eeba.

Romanos 15:14

Ãbarã, mʉʉba kuitaa b̶uu machiba biꞌia biawãra wau panuu maud̶e ãrea kuitaa panuud̶eeba poyaa chiya jaradead̶ai.

1 Corintios 1:5

Jesucristo ome panuud̶eeba Dachi Akõreba machimaa joma deasii biꞌia waud̶amera. Ichi bed̶ea poyaa kuitaa jaradea panad̶ai maud̶e ichi ʉ̃rʉbena poyaa ãrea kuitaa panad̶ai.

1 Corintios 10:15

Mʉʉba machimaa berrearuu kʉ̃risia kuitaa nureerãmaa berrearuu kĩra. Ãrea kʉ̃risiásturu mʉʉba jara b̶uu biawãra kuitaai.

1 Corintios 10:28

Maamina ab̶auba «nau kiuru Dachi Akõre kuenda juaba ne kaped̶aad̶amaa deaped̶aad̶a» aaruubʉrã, mau korã́se ichiba mau biꞌiwãe b̶uu a kʉ̃risiai b̶uud̶eeba.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

1 Corintios 15:34

Jipa kʉ̃risiásturu. Kachirua waa waurã́sturu. Waabenarã chi nuree machid̶ebenaba Dachi Akõre adua nuree. Maud̶eeba machi perad̶ai panuu.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

1 Corintios 4:18

Waabenarã machid̶ebena chi mechiurã kĩra nibabadau, kʉ̃risia panuud̶eeba mʉ machimaa wãabai.

1 Corintios 4:6

Ãbarã, mʉ ʉ̃rʉbena maud̶e Apolos ʉ̃rʉbena b̶ʉsii machi aid̶ai baita. Dai ʉ̃rʉbena kuitaad̶ai panuu Dachi Akõre bed̶ead̶e b̶ʉ kub̶uu aude kʉ̃risiad̶aabai panuu. Makarã machiba ab̶a bid̶a waabena audeara biꞌia b̶uu kʉ̃risiad̶awẽa panuu.

1 Corintios 5:2

Maamina machiba wabid̶a kʉ̃risia panuu waabenarã audeara bibuara nuree. ¿Mau ẽbẽraba kachirua waud̶a kakua ãrea kĩra nomaa nuread̶ai panuuwãeka? ¿Mau machid̶ebena ãyaa b̶ud̶ai panuuwãeka?

1 Corintios 5:6

Ara machi waabenarã audeara biꞌia nuree ad̶aabai panuu. ¿Machiba adua panuka masa ẽesãabibarii b̶aꞌãra b̶uuba harina joma ẽesãabibarii? Ara mau kĩra chi kachirua b̶aꞌãra wauruuba waabenarã ãbarã joma kachiruabiabarii.

1 Corintios 8:2

Ab̶auba ãrea kuitaa nii kʉ̃risia b̶uubʉrã, wabid̶a adua b̶uu ichiba kuitaai b̶uu kĩra.

1 Corintios 8:4

Maud̶eeba Dachi Akõrerã kuenda juaba ne kaped̶aad̶arãmaa ãnimara kiuru baa dead̶a kobadau ʉ̃rʉbena mʉʉba jaraaruu. Dachiba kuitaa panuu juaba ne kaped̶aad̶a biawãrawãe. Maud̶e kuitaa panuu Dachi Akõre biawãra ab̶aburu nii.

1 Corintios 8:7

Maamina waabenarãba mau sõd̶eeba kuitaad̶awẽa panuu. Waabenarã ãbarãba wabid̶a kʉ̃risia panuu chi juaba ne kaped̶aad̶a ãchiba naed̶e kʉ̃ria panad̶a chokae panad̶a. Maud̶eeba chi juaba ne kaped̶aad̶arãmaa ãnimara kiuru dead̶a kooduubʉrã kʉ̃risiabadau maarãd̶e ijãaduu. Chi biawãra bed̶ea ãrea adua panuud̶eeba mau ãnimara kiuru ko panuud̶eeba kʉ̃risiabadau Dachi Akõre daad̶e kachirua paneeduu.

Efesios 4:16

Ichid̶eeba joma dachi ichi kakuabʉ. Chi dachi kakuad̶e jid̶iu kara b̶eeba chiya aid̶ad̶ai. Dachicha waud̶ai panuu kĩra wauduud̶e jomaurã kʉ̃riad̶eeba biꞌia wari kãri bad̶ai.

Colosenses 2:18

Mau baita ab̶auba machiba ne bia bajãad̶e adaud̶aabai aaduubʉrã, ijãarã́sturu. Maarã berreabadaurã setaa maka nibabadau waabenarã chi aude kaebeu nibabadau kĩra. Maarãba angelerã ãrea kʉ̃riabadau. Chi maarã daumaa unubiaped̶aad̶a ãrea jaradeabadau. Dachi juaba biꞌiwãe waui kʉ̃ria b̶uud̶eeba ẽbẽra jaradea ua b̶uabadaurã mechiurã kĩra ãyaa kʉ̃risiabadau.

Apocalipsis 2:14

Maamina mʉʉba nau miadaa unu b̶uu. Machid̶ebena chi nureeba Balaanba jaradead̶a ũri panuu. Balaanba Balacmaa jaradea b̶uasii israeld̶ebenarã kachiruad̶e saka b̶aebiai b̶uu. Mauba chi Dachi Akõre kuenda juaba ne kaped̶aad̶amaa baa deabadau kiuru kobiabachii maud̶e dachi kakuaba barikiu kachirua waubiabachii.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.