1 Corintios 7:34 - Emberá Chamí

³⁴ Maka chi wẽra bara b̶uuba kʉ̃risia ome uru b̶uabarii. Ara mau kĩra chi wẽra kima uru b̶uuba nau iujãad̶e ichi kima biꞌia uru b̶uai ãrea kʉ̃risia b̶uabarii. Ichi kima kĩrajʉʉbii kʉ̃ria b̶uu. Maamina chi wẽra mukĩrawãe b̶uuba Dachi Mechiu ʉ̃rʉbena biꞌia kʉ̃risia b̶uabarii. Nau kakuad̶e maud̶e jaurid̶e ichi baita biꞌia b̶uai kʉ̃ria b̶uu.

1 Corintios 7:34 Iomraidhean Croise

Juan 10:13

Mau ẽbẽra miru wãbarii ab̶a chi nejarra kakúaburu oeja nubariid̶eeba. Ichiba kʉ̃risiakau oeja biꞌia panad̶amera.

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

1 Corintios 6:20

Dachi Akõreba machi nedosii. Dachi Akõred̶ed̶eeba machi kakuad̶e maud̶e jaurid̶e kĩra jipa panásturu.

1 Corintios 7:33

Maamina chi mukĩra wẽra uru b̶uuba nau iujãad̶e ichi wẽra biꞌia uru b̶uai ãrea kʉ̃risia b̶uabarii. Ichi wẽra kĩrajʉʉbii kʉ̃ria b̶uu.

1 Corintios 7:35

Mau mʉʉba jarawẽa b̶uu machiba kʉ̃ria panuu kĩra panarãad̶amera maumaarã biꞌia nuread̶amera. Mʉʉba ab̶a kʉ̃ria b̶uu machi kĩra jipa nuread̶ayu maud̶e joma machi sõd̶eeba Dachi Mechiuba kʉ̃ria b̶uu waud̶ayu.

2 Corintios 11:28

Mau awara ewaricha joma ãbarã druachad̶ebena ʉ̃rʉbena mʉ ãrea jirukaraa b̶uabarii.

2 Corintios 8:16

Mʉʉba Dachi Akõremaa ichíturu kid̶ibai abarii. Ichiba Titomaa sõd̶eeba machi kʉ̃ria b̶uabisii mʉʉba machi kʉ̃ria b̶uu kĩra.

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

1 Timoteo 3:5

Ara ichi ded̶ebenarã nu adua b̶uubʉrã, ¿saka ẽbẽrarã Dachi Akõred̶erã biꞌia nuima?

1 Timoteo 5:5

Pẽdrãa biawãra ichi du ab̶a b̶uuba ãrea kuitaa b̶uu joma ichiba uru b̶uai b̶uu Dachi Akõréburu deai. Ãyadaa maud̶e ẽsabud̶e Dachi Akõremaa ʉtaa id̶ibarii karibamera.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.