1 Corintios 7:10 - Emberá Chamí

¹⁰ Mʉʉba nau jaraaruu chi kima bara nureerãmaa. Nau bed̶ea mʉʉd̶ewãema, maumaarã Dachi Mechiud̶ebʉ. Chi wẽraba ichi kima amaabai b̶uu.

1 Corintios 7:10 Iomraidhean Croise

Mateo 5:32

Maamina mʉʉba jaraaruu: Barikiuba ichi wẽra junebena ome kãi b̶eewẽa b̶uu amaaruubʉrã, ichi wẽra junebena ome miakãiruubʉrã, Dachi Akõre daad̶e mau mukĩraba mau wẽramaa kachirua waubii b̶uu, chi wẽra junebena mukĩra ome kãi b̶eei b̶uud̶eeba. Maud̶e mukĩra ab̶aba mau amaad̶a wẽra ome miakãiruubʉrã, mau mukĩraba kachirua wau b̶uu.

Marcos 10:2

Maka b̶uud̶e waabenarã fariseorã neesid̶au. Ichi kachirua berreabid̶ai baita naka id̶isid̶au: —¿Mukĩraba chi wẽra amaai biꞌia b̶uka?

Lucas 16:18

»Mukĩraba ichi wẽra amaaped̶a junebena wẽra ome miakãiruubʉrã kachirua wau b̶uu. Arab̶aud̶e chi amaad̶a wẽra ome miakãiruubʉrã mau mukĩraba mau wẽra ome kachirua wau b̶uu.

1 Corintios 7:11

Maamina ichi kima amaaruubʉrã, mukĩra june adaubai b̶uu. Maumaarã du b̶uai b̶uu maebʉrã chi kima ome waya bed̶ea deai b̶uu. Ara mau kĩra chi mukĩraba ichi wẽra amaabai b̶uu.

1 Corintios 7:12

Chi nuree ãbarãmaa mʉʉba nau (nau Dachi Mechiu Jesusba mʉʉmaa jaradeabiwẽma): ãbaba chi wẽra Jesusd̶e ijãawẽa b̶uu uru b̶uubʉrã, maud̶e mau wẽra ichi ome b̶uai kʉ̃ria b̶uubʉrã, mau ãbaba chi mau amaabai b̶uu.

1 Corintios 7:15

Maamina chi Jesusd̶e ijãawẽa b̶uu ichi kimad̶ebena ãyaa wã kʉ̃ria b̶uubʉrã, makarã́bad̶e ad̶aabai panuu. Maka chi ijãa b̶uu chi ãyaa wãd̶a ijãawẽa b̶uu ome b̶eebai b̶uu. Dachi Akõreba dachi jirukaraayuwãe nuread̶amera iusii.

1 Corintios 7:25

Mau awara chi wabid̶a miakãid̶awẽa nuree ʉ̃rʉbena mʉʉba jaraaruu. Dachi Mechiu Jesucristoba mʉʉmaa mau ʉ̃rʉbena jaradeabiibasiid̶eeba mʉʉba kʉ̃risia b̶uu jaraaruu. Machiba kuitaa panuu Dachi Mechiuba mʉ kĩra chuburiasiid̶eeba mʉʉba biawãra jarabarii.

1 Corintios 7:40

Mʉʉba kʉ̃risia b̶uu ichi kima adauwẽebʉrã kĩrajʉʉ b̶uai. Maud̶e mʉʉba kʉ̃risia b̶uu Dachi Akõre Jauriba maka kʉ̃risiabi b̶uu.

1 Corintios 7:6

Mʉʉba jaraaruu: machiba maka wau kʉ̃ria panuubʉrã, biꞌia b̶uu. Maamina mʉʉba wáubad̶e a b̶uuwãe.