1 Corintios 5:8 - Emberá Chamí

⁸ Jãabae pan ẽesãabibariiwãe b̶uu kobadau kĩra, kʉ̃risia sõbiad̶eeba maud̶e biawãrad̶eeba nibad̶ai panuu. Masa ẽesãabibarii chõra kĩra b̶uud̶eeba waa maka nibad̶aabai panuu. Waabenarã kĩramaa b̶uud̶eeba maud̶e kachirua wau b̶uud̶eeba waa maka nibad̶aabai panuu.

1 Corintios 5:8 Iomraidhean Croise

Mateo 16:12

Maabáeburu kuitaasid̶au Jesusba masa ẽesãabibarii ʉ̃rʉbena jarawẽa b̶uasii, maumaarã jara b̶uasii fariseorãba, saduceorãba jaradeabadau ʉ̃rʉbena kauwa panad̶amera.

Mateo 16:6

Maud̶e Jesusba jarasii: —Fariseorã masa ẽesãabibarii maud̶e saduceorãd̶e kauwa panásturu.

Marcos 8:15

Maud̶e Jesusba jarasii: —Fariseorã masa ẽesãabibarii maud̶e Herodesd̶e sid̶a, kauwa panásturu.

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

Juan 1:47

Jesusba Natanael ichimaa neeruu unusiid̶e, jarasii: —¡Ichiásturu! Nau biawãra israeld̶ebenabʉ. Ichiba ab̶a bid̶a setaa kũruakau.

1 Corintios 3:3

Machi wabid̶a nau kakuaba wau kʉ̃ria b̶uu kĩra nibabadau: waabenarãba uru panuu kakua, kachirua kʉ̃risiabadau maud̶e oa kachirua berreabadau. Maka nureed̶eeba ¿nau kakuaba wau kʉ̃ria b̶uu kĩra nureewãeka?

1 Corintios 5:1

Ẽbẽrarãba jara panuu machi tãed̶e ab̶a kĩra nejasia waubarii. Jara panuu mauba chi akõre wẽra ichi wẽra kĩra uru b̶uu. Biawãra Jesucristod̶e ijãad̶akaurã bid̶a mau kachirua waud̶akau.

1 Corintios 5:6

Ara machi waabenarã audeara biꞌia nuree ad̶aabai panuu. ¿Machiba adua panuka masa ẽesãabibarii b̶aꞌãra b̶uuba harina joma ẽesãabibarii? Ara mau kĩra chi kachirua b̶aꞌãra wauruuba waabenarã ãbarã joma kachiruabiabarii.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

2 Corintios 8:8

Mʉʉba mau wáusturu awẽa b̶uu, maumaarã mʉʉba kʉ̃ria b̶uu machiba unubid̶ai ãbarã biawãra kʉ̃ria panuu. Maud̶eeba mʉʉba machimaa kuitaabiai b̶uu saka waabenarãba chi nejarra ãbarã Jerusalend̶ebena baita pe panuu.

Efesios 6:24

Mʉʉba kʉ̃ria b̶uu Dachi Akõreba ichi sõbiad̶eeba joma Dachi Mechiu Jesucristo biawãra ãrea kʉ̃ria nuree aid̶a b̶uai. Biꞌia b̶uu maka b̶uai.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.