1 Corintios 4:9 - Emberá Chamí

⁹ Maamina mʉʉba kʉ̃risia b̶uu dai chi Jesucristoba bʉid̶arã Dachi Akõreba jomaurã audeara kaebeu b̶usii. Dai chi juezba jomaurã daad̶e beabíbad̶e a b̶uu kĩra panuu. Ẽbẽrarãba maud̶e angelerãba, jomaurãba ichia panuu biud̶ai kuitaad̶ai baita.

1 Corintios 4:9 Iomraidhean Croise

Hechos 19:29

Maka panuud̶e joma puurud̶ebenarã kuitaa kʉ̃risiad̶awẽa pira wãurisid̶au. Maud̶e waabenarãba Pablo baara nibabadau ome jidaud̶aped̶a teatrod̶aa adoesid̶au: ab̶a Gayo basii maud̶e chi ab̶abena Aristarco basii. Maarã Macedonia druad̶ebena basii.

Hechos 19:31

Mau awara waabenarã Asiad̶ebena karrarãba Pablomaa jarad̶e bʉisid̶au. Ichi ome kõpaerorãd̶eeba chi chuburia id̶isid̶au teatrod̶aa wãrãamera.

Romanos 8:36

Dachi Akõre bed̶ead̶e naka b̶ʉ kub̶uu: «Ewaricha bichi kakua dai bea kʉ̃ria panuu. Oeja beabadau kĩra bead̶ai kʉ̃risia panuu».

1 Corintios 15:19

Dachiba Cristod̶eeba nau iujã́d̶eburu biꞌia nuread̶ai kʉ̃risia panuubʉrã, jomaurã audeara miichuburi nuree.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

2 Corintios 6:9

Dai ãrea unu panumina ãchiba unud̶akau ẽbẽrarã kĩra waubadau. Dai biumaa panuu kĩra kʉ̃risia panumina wabid̶a chokae panuu. Dai soaba pebadamina bead̶akau.

1 Tesalonicenses 3:3

maud̶e machi ãrea biꞌiwãe panuud̶e, mau ãrea kʉ̃risiarãad̶amera. Machiba kuitaa panuu Cristod̶e ijãa panuu baita dachi ãrea nebʉrad̶e panad̶ai panuu.

Hebreos 1:14

Makarã, ¿Angelerã kairãma? Maarã joma Dachi Akõre baita nureed̶eeba, ãchi bʉikabarii chi ichiba karibai b̶uurã aid̶ad̶amera.

Hebreos 10:33

B̶esed̶e jomaurã daad̶e Cristo kakua kachirua jarabachid̶au maud̶e machimaa kachirua waubachid̶au. B̶esed̶e ãbarã Cristo kakua ãrea biꞌiwãe panuu baara ãrea biꞌiwãe paneebachid̶au.

Hebreos 11:36

Chi nuree Dachi Akõred̶e ijãa panuu kakua ẽbẽrarãba atua jarasid̶au, soaba pesid̶au maud̶e kaenaba jʉ̃d̶aped̶a jʉ̃a kub̶usid̶au.