1 Corintios 4:16 - Emberá Chamí

¹⁶ Maud̶eeba mʉʉba machimaa chi chuburia id̶ii mʉ nibabarii kĩra nibad̶amera.

1 Corintios 4:16 Iomraidhean Croise

1 Corintios 11:1

Mʉ Cristo nibad̶a kĩra nibabariid̶eeba mʉ kĩra nibásturu.

Filipenses 3:17

Ãbarã, mʉ kĩra panásturu. Machi tãed̶e nibasid̶aud̶e daiba unubiasid̶au saka nuread̶ai panuu. Ãbarã maka nuree baara nibásturu.

Filipenses 4:9

Mʉʉba jaradead̶a, machiba mʉʉd̶eeba kuitaaped̶aad̶a, mʉʉd̶eeba ũriped̶aad̶a maud̶e unuped̶aad̶a joma wau panásturu. Maud̶e Dachi Akõre machi ome b̶uai maud̶e machi jirukaraayuwãe duanubiai.

1 Tesalonicenses 1:6

Arab̶aud̶e machiba dai panabachid̶au kĩra wau kopaneesid̶au. Maud̶e Dachi Mechiu nibad̶a kĩra wau kopaneesid̶au. Machi ãrea biꞌiwãe panumina Dachi Akõre Jauriba kĩrajʉʉbiasiid̶e chi bed̶ea bia ijãasid̶au.

2 Tesalonicenses 3:9

Biawãra machiba karibad̶amera poyaa id̶id̶ai panasmina id̶id̶aabasii. Maumaarã dai trajasid̶au kuitaabid̶ai baita machiba ara mau kĩra waud̶ai panuu.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.

1 Pedro 5:3

Chi machiba nu uru panuurã, machi baita bari trajabadaurã kĩra uru panarã́sturu, maumaarã machi nibad̶eeba unubiásturu saka nibad̶ai panuu.