1 Corintios 4:15 - Emberá Chamí

¹⁵ Machiba Cristo ʉ̃rʉbena jaradeabadaurã ãrea uru panad̶a basirã wabid̶a akõre ab̶a uru panad̶ai basii. Mʉʉd̶eeba machiba chi bed̶ea bia Jesús ʉ̃rʉbena ijãaped̶aad̶ad̶eeba ichid̶eeba mʉ machi akõrebʉ.

1 Corintios 4:15 Iomraidhean Croise

Romanos 15:20

Biawãra chi bed̶ea bia Cristo ʉ̃rʉbena mʉʉba jaradea kʉ̃ria b̶uu chi wabid̶a ũrid̶akaurãmaa. Ab̶auba jaradea b̶uumaa mʉ traja kʉ̃riawẽma.

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

1 Corintios 15:1

Mau awara ãbarã, mʉʉba machimaa kĩrababiai chi bed̶ea bia Jesús ʉ̃rʉbena mʉʉba machimaa jaradead̶a. Mau bed̶ea machiba mʉʉd̶ebena kuitaasid̶au maud̶e ãrea ijãa panuu.

1 Corintios 3:10

Mʉ chi de waubarii bia kĩra nii. Dachi Akõreba ichi sõbiad̶eeba mʉʉmaa dead̶aba, de jʉ̃rʉ ãrea id̶u ʉyaasii. Waabenarãba mau ʉ̃rʉ de waubadau. Maamina dachicha kauwa panad̶ai b̶uu saka mau ʉ̃rʉ waui b̶uu.

1 Corintios 3:6

Ne uuruu kĩra mʉʉba machimaa Jesús ʉ̃rʉbena naa jaradeasii. Maabae mʉʉba uud̶ad̶e bania earuu kĩra Apolosba Dachi Akõre bed̶ea biꞌia jaradeasii. Maamina Dachi Akõréburu aid̶asii machiba ijãad̶amera chi ne uud̶a waribiiruu kĩra.

1 Corintios 3:8

Chi ne uubarii maud̶e chi bania eabarii sid̶a Dachi Akõre daad̶e arab̶aud̶e nuree. Ichiba dachicha ne biꞌia deai, dachiba wau panad̶a kĩra.

1 Corintios 9:12

Waabenarãba machid̶ebena ne adaud̶ai panuubʉrã, daiba ãchi audeara biꞌia ne adaud̶ai panuu. Maamina ne id̶id̶akau. Maumaarã joma jãadua panuu ẽbẽrarãba chi bed̶ea bia Cristo ʉ̃rʉbena kachirua kʉ̃risiarãad̶amera.

1 Corintios 9:14

Ara mau kĩra Dachi Mechiu Jesusba jarasii chi bed̶ea bia ichi ʉ̃rʉbena jaradea nibabadaurãba maud̶ebena adaud̶ai panuu kod̶ai baita.

1 Corintios 9:16

Mʉʉba chi bed̶ea bia Cristo ʉ̃rʉbena jaradea b̶umina mʉ chi mechiu akau, Dachi Akõréburu jaradeabi b̶uud̶eeba. Biawãra mau bed̶ea bia jaradeawẽebʉrã, mʉ miichuburi b̶eei.

1 Corintios 9:18

Makarã ¿mʉʉba jaradea b̶uu baita, kãare adauima? Ne adaubai. Kĩrajʉʉ b̶uai chi bed̶ea bia Cristo ʉ̃rʉbena jaradea b̶uud̶eeba. Mʉʉba jaradea b̶uud̶eeba ne adaui b̶umina ne id̶ikau.

1 Corintios 9:23

Mʉʉba joma mau kĩra waubarii chi bed̶ea bia Cristo ʉ̃rʉbena kuitaabii baita. Maka mʉa bid̶a Dachi Akõred̶ebena ne biꞌia adaui.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

Gálatas 3:24

Biawãra Moisesba b̶ʉd̶aba dachi nu ua b̶uasii ab̶a Cristod̶e ijãaduud̶aa. Cristo neesiid̶e ichid̶e ijãa panuu kakua Dachi Akõreba dachi chi jipa nuree baara duanubarii.

Gálatas 3:25

Maamina id̶ibae dachiba Cristod̶e ijãa panuud̶eeba Moisesba b̶ʉd̶aba nu ua b̶uakau.

Gálatas 4:19

Ãbarã, machi mʉ warrarã kĩra nuree. Mʉ waya machi baita ãrea biꞌiwãe b̶uu wẽra warr adauruud̶e puꞌuabarii kĩra. Mʉ maka ãrea biꞌiwãe b̶uai ab̶a machi Cristo kĩra paneeduud̶aa.

2 Timoteo 4:3

Ewari ab̶a neeruud̶e ẽbẽrarãba biawãra bed̶ea ũri kʉ̃riad̶awẽa panad̶ai. Maumaarã ara ãchiba kʉ̃ria panuu maka waud̶ai. Maud̶eeba jaradeabadaurã ãrea jʉrʉd̶ai ãchiba ũri kʉ̃ria panuu jaradead̶amera.

Tito 1:4

Tito, mʉʉba nau karta bichi baita b̶ʉʉruu. Dachiba arab̶aud̶e Cristod̶e ijãa panuud̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba bichi aid̶a panad̶amera maud̶e jirukaraayuwãe panabid̶amera.

Filemón 1:19

Ara mʉ juaba naka b̶ʉʉruu: mʉʉba mau deai b̶uu deai. ¡Kĩrabase mʉʉd̶ebena Cristod̶e ijãasiid̶eeba bichiba mʉʉmaa deai uru b̶uu!

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

1 Pedro 1:23

Nau kakua biui b̶uud̶eeba machi chiwid̶i naweba waya adaud̶aabasii, maumaarã Dachi Akõre biukau niid̶eeba chiwid̶i adausid̶au. Dachi Akõre bed̶ea wãꞌãekauba chokae b̶uai deabarii. Mau bed̶ead̶eeba machi chiwid̶i wãwa kĩra adausid̶au.