1 Corintios 4:10 - Emberá Chamí

¹⁰ Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

1 Corintios 4:10 Iomraidhean Croise

Mateo 24:9

»Mau ewarid̶e ẽbẽrarãba machi jidau dead̶ai, kachirua waud̶aped̶a bead̶amera. Mʉʉd̶e ijãa panuu kakua jomaurãba machi kĩramaad̶ai.

Mateo 5:11

Machi mʉ kakua ẽbẽrarãba kachirua jaraaduubʉrã, kachirua wauduubʉrã maud̶e machi ʉ̃rʉbena setaa barikiu kachirua jaraaruud̶e, biꞌia panuu.

Lucas 10:16

Maabae ichi baara nibabadaurãmaa jarasii: «Machi bed̶ea ijãa b̶uuba mʉ bed̶ea ijãa b̶uu. Machi ida b̶u b̶uuba mʉ ida b̶u b̶uu. Maud̶e chi mʉ ida b̶u b̶uuba chi mʉ Bʉid̶a sid̶a ida b̶u b̶uu».

Lucas 18:9

Waabenarãba ãchi jipa nuree kʉ̃risia panasid̶au. Maud̶eeba waabenarã kʉ̃riad̶ai ida b̶ubachid̶au. Jesusba ãchimaa nebʉrʉ b̶uuba naka jaradeasii:

Lucas 6:22

»Biꞌia panuu ẽbẽraba mʉ, chi Ẽbẽra Ba B̶uad̶a kakua machi kĩramaaduud̶e, ida b̶uuduud̶e, kachirua jaraaduud̶e maud̶e machi sõ kachirua panuu aaduud̶e.

Hechos 17:18

Aria chi nuree kuitaa nuree Epicureod̶ebenarã maud̶e Estoicod̶ebenarã berrea paneesid̶au Pablo ome. Maarã chi nureeba jarabachid̶au: «¿Kãare jara kʉ̃ria b̶uma, nau chi bed̶ea ãrea niiba?» Waabenarãba jarabachid̶au: «Daimaarã, ãibena druad̶ebena akõre mechiu ʉ̃rʉbena jaradea b̶uu». Maka jarabachid̶au Pabloba jaradeamaa b̶uad̶ad̶eeba chi bed̶ea bia Jesús ʉ̃rʉbena maud̶e jaradeabachid̶eeba dachi biud̶a maad̶akare waya chokae jiradud̶ai.

Hechos 17:32

Mau biu b̶uad̶a chokae jiradubid̶a ʉ̃rʉbena ũrisid̶aud̶e chi nureerãba ʉisid̶au. Maamina waabenarãba jarasid̶au: —Jãad̶akare bichiba mau ʉ̃rʉbena berrea b̶uu waya ũrid̶ai.

Hechos 26:24

Pabloba wabid̶a mau jaramaa b̶uud̶e, Festo kĩru berreasii: —Pablo, bichi kĩranema b̶uu, karta ãrea kuitaasiid̶eeba.

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

1 Corintios 1:21

Dachi Akõreba ichi kʉ̃risia kuitaad̶eeba waud̶aba, ara ichi unubia b̶uu. Maamina nau iujãad̶ebenarãba ara ãchi kʉ̃risia kuitaad̶eeba ichi unud̶akau. Chi daiba jaradea panuu kĩra kawawẽa b̶uu kĩra b̶umina Dachi Akõremaarã bibuara b̶uu maud̶eeba joma chi ichid̶e ijãaduu karibai.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

1 Corintios 1:25

Ẽbẽrarãmaarã Cristo cruzd̶e biusiid̶eeba Dachi Akõre kuitaawãe nii maud̶e meserãaswãe nii. Maamina ne adua nii kĩra b̶umina Dachi Akõre joma nau iujãad̶ebenarã audeara ne kuitaa nii. Maud̶e meserãaswãe nii kĩra b̶umina joma nau iujãad̶ebenarã audeara meserãa nii.

1 Corintios 10:12

Maud̶eeba ab̶auba ãrea ijãa b̶uu kʉ̃risia b̶uubʉrã, ara ichi du ab̶a kauwa b̶uai b̶uu kachiruad̶e ida b̶aebiamaaba.

1 Corintios 2:14

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.

1 Corintios 2:3

Maud̶e mʉ meserãaswãe b̶uu kʉ̃risiasii. Maud̶e poyaa biꞌia jaradeawẽe kʉ̃risia b̶uasiid̶eeba wapeaba chi kakua uri b̶uabachii.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

1 Corintios 3:2

Mʉʉba Cristo ʉ̃rʉbena bed̶ea chaareawãe b̶uu jaradeasii wãwamaa ju b̶aa dobi b̶uu kĩra. Chiko kobi b̶uu kĩra, mʉʉba chaareawãe b̶uu jaradeabasii, machiba kauwa ũrid̶aabasiid̶eeba. Maud̶e wabid̶a kauwa ũrid̶awẽa panuu.

1 Corintios 4:8

Dachi Akõred̶eeba adau kʉ̃ria panad̶a machiba joma uru panuu abadau. Dachi Akõreba dea b̶uu ãrea uru panuu abadau. Dai ida b̶ud̶aped̶a machi du ab̶a chi mechiurã paneed̶ai a kʉ̃risia panuu. Maamina makawãema. Machi biawãra chi mechiurã paneed̶a basirã biꞌia b̶uai basii. Makara dai sid̶a machi ome ãbua chi mechiurã paneed̶ai basii.

2 Corintios 10:10

Waabenarãba jara panuu: «Pabloba kartad̶eeba ãrea iadaabarii maud̶e machimaa ãrea waubiabarii. Maamina machi ome b̶uud̶e wapea b̶uu kĩra nii maud̶e biꞌiwãe berreabarii abadau».

2 Corintios 11:19

Machi kʉ̃riskawa nureed̶eeba nau kʉ̃risiaswãe niiba jaradea b̶uu machiba dauchia jãadua panabadau.

2 Corintios 11:29

Ab̶a ẽpermo b̶eeruubʉrã, mʉ sid̶a ẽpermo b̶eeruu kĩra b̶uabarii. Ab̶auba waabena ãba kachiruad̶e b̶aebiiruubʉrã, mʉ mau ẽbẽra ome kĩrubarii.

2 Corintios 13:9

Machiba ãrea ijãa panuubʉrã dai meserãaswãe panumina kĩrajʉʉ panuu. Mau awara daiba Dachi Akõremaa ʉtaa id̶i panuu machiba jipa wau panad̶amera.

2 Corintios 4:12

Biawãra ẽbẽrarãba dai bead̶ai kʉ̃ria panumina daiba jaradea panuu machiba ijãasid̶au. Maud̶eeba ewaricha Dachi Akõre ome chokae panad̶ai.

2 Corintios 6:8

B̶esed̶e waabenarãba dai ʉ̃rʉbena biꞌia jarabadau. B̶esed̶e kachirua jarabadau. B̶esed̶e dai ʉ̃rʉbena kachirua trʉ̃ poabadau. B̶esed̶e biꞌia trʉ̃ poabadau. Daiba chi biawãra bed̶ea jara panumina waabenarãba jara panuu dai setaa jarabadau abadau.

1 Tesalonicenses 4:8

Chi mau mʉʉba jaradead̶a ida b̶u b̶uuba ẽbẽraba jarad̶a ida b̶uwẽa b̶uu, maumaarã Dachi Akõreba jara b̶uu ida b̶u b̶uu. Ara mau Dachi Akõreba ichi Jauri machimaa deasii kachiruaswãe panad̶amera.

1 Pedro 4:14

Machi Cristod̶e ijãa panuu kakua kachirua jaraaduubʉrã, Dachi Akõre daad̶e ãrea biꞌia nuree. Dachi Akõre Jauri kĩrawãrea nii machi ome b̶uu.