1 Corintios 3:3 - Emberá Chamí

³ Machi wabid̶a nau kakuaba wau kʉ̃ria b̶uu kĩra nibabadau: waabenarãba uru panuu kakua, kachirua kʉ̃risiabadau maud̶e oa kachirua berreabadau. Maka nureed̶eeba ¿nau kakuaba wau kʉ̃ria b̶uu kĩra nureewãeka?

1 Corintios 3:3 Iomraidhean Croise

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

1 Corintios 1:10

Ãbarã, Dachi Mechiu Jesucristod̶eeba mʉʉba machimaa chi chuburia id̶iiruu ãbua biꞌia duanad̶amera. Machi kʉ̃risia kakawaa uru panad̶aabai panuu, maumaarã kʉ̃risia ab̶aud̶e ãbua biꞌia duanad̶ai panuu.

1 Corintios 1:11

Ãbarã, mʉʉba ũrisiid̶eeba maka jara b̶uu. Neekau Cloé ded̶ebenarãba mʉʉmaa jarasid̶au machi ijara berrea duanabadau.

1 Corintios 11:18

Naa jaraaruu mʉʉba ũri b̶uu machi araa ãbua imiiduud̶e kʉ̃risia aꞌawaraa duanabarii. Mʉʉba kʉ̃risia b̶uu chi mʉʉmaa nebʉrʉped̶aad̶a chi b̶ee biawãra b̶uu.

1 Corintios 3:4

Ab̶auba jarabarii: «Mʉ Paulod̶ebʉ». Waya ab̶auba jarabarii: «Mʉ Apolosd̶ebʉ». Machiba maka jarabadaud̶eeba nau iujãad̶ebenarã kĩra nuree.

2 Corintios 12:20

Mʉʉba wapea b̶uu machimaa wãped̶a machi unuubai mʉʉba unu kʉ̃ria b̶uu kĩra. ¡Maud̶e machiba mʉ unud̶aabai machiba kʉ̃ria panuu kĩra, machi iadaaid̶eeba! Biawãra mʉʉba wapea b̶uu unud̶e wãi machi oa kachirua berrea panuu, waabenarãba ne uru panuu kakua kĩra kachirua panuu, kĩru panuu, ara machi biꞌia panad̶ai baita jʉrʉ panuu, waabenarã ʉ̃rʉbena oa kachirua berrea panuu, waabenarã ʉ̃rʉbena setaa jara panuu, chi aude mechiu nii kʉ̃risia panuu, maud̶e kĩrubika bara b̶uu.

Gálatas 5:15

Kauwa panásturu. Oa kachirua berrea duaneeduubʉrã, chĩo duaneeduubʉrã, ara machi du ab̶a joma baribad̶ai.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.

Santiago 3:16

Chi waabenarãba uru panuu kakua maebʉrã wau panuu kakua jiwaa nuree, maud̶e chi waabenarã aude biꞌia nuread̶ai baita jʉrʉ nureerãba kʉ̃risia kachirua barikia kʉ̃risiabadau maud̶e ne joma kachirua waubadau.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.