1 Corintios 3:10 - Emberá Chamí

¹⁰ Mʉ chi de waubarii bia kĩra nii. Dachi Akõreba ichi sõbiad̶eeba mʉʉmaa dead̶aba, de jʉ̃rʉ ãrea id̶u ʉyaasii. Waabenarãba mau ʉ̃rʉ de waubadau. Maamina dachicha kauwa panad̶ai b̶uu saka mau ʉ̃rʉ waui b̶uu.

1 Corintios 3:10 Iomraidhean Croise

Mateo 24:45

»Chibari baita bari trajabarii kʉ̃risia kuitaa b̶uuba jipa waubarii kĩra duanásturu. Ichi chibariba chi waabenarã bari trajabadaurã ichi juad̶e b̶usii chi kod̶ai baaruud̶e kobia b̶uamera.

Mateo 7:24

»Maud̶eeba barikiuba mʉ bed̶ea ũriped̶a ijãaruubʉrã, nau kĩra b̶uai: ẽbẽra kʉ̃risia kuitaa b̶uuba ichi de mo ʉ̃rʉ wausii.

Lucas 11:35

Maud̶eeba ãrea kauwa b̶uase. Bichiba ʉ̃d̶aa kĩra kʉ̃risia b̶uu mau pãriud̶e kĩra b̶uarãamera.

Lucas 21:8

Jesusba panausii: —Kauwa nureásturu ab̶au bid̶a setaa kũruarãad̶amera. Ãreaba jarad̶ai: “Mʉ Dachi Akõreba Dachi Karibabarii deai jarad̶a”. Mau awara chi ewari araa bamaa b̶uu ad̶ai. Maamina maarã baara wãrã́sturu.

Hechos 18:27

Mau maad̶akare Apolos Acaya druad̶aa wãi kʉ̃ria b̶uasii. Maud̶eeba ãbarã Efesod̶ebenaba karta chi arabena baita b̶ʉsii biꞌia irsibid̶amera. Aria neesiid̶e Apolosba Dachi Akõre sõbiad̶eeba chi Jesusd̶e ijãaped̶aad̶a ãrea aid̶asii.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

Romanos 12:3

Dachi Akõreba ichi sõbiad̶eeba mʉ b̶usii ichi baita ne wau b̶uamera. Maud̶eeba mʉʉba machimaa nau jaraaruu: ab̶au bid̶a kʉ̃risiabai b̶uu ara ichi chi mechiu nii. Machiba Cristod̶e ijãaped̶aad̶ad̶eeba Dachi Akõreba machicha aꞌawaraa deasii ne waud̶amera. Maud̶eeba ichiba dead̶a kĩra machiba wau panuu biꞌia kʉ̃risiásturu.

Romanos 15:15

Maamina nau kartad̶e mʉʉba chi b̶ee kʉ̃risia b̶ʉsii machiba kĩrabad̶amera. Maka b̶ʉsii Dachi Akõreba ichi sõbiad̶eeba mʉ b̶usiid̶eeba,

Romanos 15:20

Biawãra chi bed̶ea bia Cristo ʉ̃rʉbena mʉʉba jaradea kʉ̃ria b̶uu chi wabid̶a ũrid̶akaurãmaa. Ab̶auba jaradea b̶uumaa mʉ traja kʉ̃riawẽma.

1 Corintios 3:11

Jesucristo chi de jʉ̃rʉ baerã, june ãyaa poyaa nub̶uud̶aabai.

1 Corintios 9:2

Waabenarã ãbarãba mʉ Jesucristoba bʉid̶a kʉ̃risiad̶awẽa panumina machiba kuitaad̶ai panuu mʉ biawãra ichiba bʉid̶abʉ. Mʉʉba jaradeasiid̶eeba machiba Dachi Mechiud̶e ijãasiid̶eeba mau unubi b̶uu.

2 Corintios 10:15

Waabenarãba wauped̶aad̶a kakua ara dai ʉ̃rʉbena biꞌia berread̶akau ara daiba wauped̶aad̶a kĩra. Maumaarã daiba kʉ̃ria panuu machiba Cristod̶e biꞌia ijãad̶ai. Maka daiba machi druad̶e poyaa biꞌia jaradead̶ai ara Dachi Akõreba waubi b̶uu kĩra.

Efesios 2:20

Machi de mo waud̶a kĩra panuu. Jesusba bʉid̶arã maud̶e Dachi Akõre baita berreabadaurã mau de ekarebena mo kĩra panuu. Mau ded̶ebena mo chi bibuara b̶uu Jesucristobʉ.

Colosenses 1:29

Mau baita mʉ kʉrrjĩruwẽa traja b̶uu Cristoba ichi poyaabarii ãrea dea b̶uud̶eeba.

Colosenses 4:17

Ãba Arquipomaa jarásturu: «Dachi Mechiuba waubi b̶uu joma wau b̶uase».

1 Timoteo 4:16

Ara bichi ʉ̃rʉbena maud̶e bichiba jaradea b̶uu ʉ̃rʉbena kauwa b̶uase. Joma mau jipa wau nibase. Maka wau niibʉrã bichi karibai. Bichiba jaradea b̶uu ũri panuu sid̶a karibad̶ai.

2 Timoteo 2:15

Chi biawãra bed̶ea Dachi Akõred̶e jipa jaradeabarii unubi b̶uase. Trajabarii biꞌia b̶uu kĩra kauwa wau b̶uase Dachi Akõreba bichi kĩrakayayuwãe b̶uu unumera.

Santiago 3:1

Ãbarã, machiba kuitaa panuu Dachi Akõreba dachi chi Ichi bed̶ea jaradeabadaurã aude ichiai. Maud̶eeba ãrea machid̶ebenaba jʉrʉd̶aabai panuu jaradeabadaurã nuread̶ai baita.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.

2 Pedro 3:15

Kĩrabásturu Dachi Mechiuba ẽbẽrarã karibai baita joma jãadua b̶uu. Ara mau kĩra dachiba kʉ̃ria panuu ãba Pablo bid̶a kartad̶e machi baita b̶ʉsii, Dachi Akõreba ichimaa dead̶a kʉ̃risia kuitaad̶eeba.

Apocalipsis 21:14

Mau puuru ad̶u pũ kub̶uu mo 12 ʉ̃rʉ pũ kub̶uasii. Moocha Oeja Kaebe Niiba chi 12 bʉid̶ad̶ebena trʉ̃ ab̶a b̶ʉ poebasii.

Apocalipsis 21:19

Mau 12 mo ʉ̃rʉ kub̶uasii. Mau mo joma mipitaa b̶easii. Chi nabena jaspe mo basii. Mawãare zafiro mo basii. Mawãare ágata mo basii. Mawãare esmeralda mo basii.